VOV4.Mnông- Tâm 2 nar 6 n’hanh 7/10, ta nkuăl ƀon têh Kon Tum geh ƀư đại hội đại biểu bu ur n’gor Kon Tum tal 14, năm kan 2021-2026 đah nău tât râng kan bâh 182 đại biểu ndơn kan an rlău 115 rbăn nuĭh bu ur lam n’gor.

Năm kan ba năp, hội liên hiệp bu ur n’gor Kon Tum lĕ mô rlu rgâl mhe nkô̆ nău, ntrong kan an geh âk nău dơi tâm nău kan tâm rlong...Ăp gâl kan Hội tâm n’gor lĕ geh âk ntrong kan ueh di geh săk rnglăy na nê̆ kơt nau rdâk njêng 24 ƀon bu ur rnoi đê̆ nkual ƀon lan mhe”, rdâk njêng mhe, nkra tay 65 mblâm ngih tâm rŏng an 65 rnăk vâl bu ur, bu ur geh nău rêh jêr jŏt đah lĕ rnoh prăk rlău 2 rmen prăk, njêng 60 nău kan hợp tác xã đah rlău 1 rbăn nuĭh kan ndrel...

Đại hội đại biểu bu ur n’gor Kon Tum tal 14, năm kan 2021-2026 lĕ săch 33 đại biểu ta Ban chấp hành năm kan mhe. Wa bu ur Y Phương geh săch ƀư tay kruanh hội liên hiệp bu ur n’gor Kon Tum năm kan 2021-2026.

Nuĭh rblang: Thị Đoắt