VOV4.M’nông – Nthoi tay bôk nău kan Đại hội đồng AIPA rơh tal 42, nar 24/8, ƀư rơh rƀŭn bah Ủy ban Chính trị, Ủy ban kinh tế n’hanh Ủy ban xã hội. Rơh rƀŭn Ủy ban Chính trị tâm nchră 03 nkô̆ nău: n’hao rnă njrăng mạng n’hanh mât njrăng sam ƀŭt sam tra tâm mạng rƀŏng tât du ntŭk ntô mang hao êng tâm ASEAN; Mpeh ntrŭt rnă njrăng kon nuĭh tâm nău kan kỹ thuật mrô geh lĕ rngôch an ASEAN n’hanh N’hao tâm rnglăp nchră nău nghị viện ƀŏng tât Nsum mpôl ASEAN. Mpôl ntoh măt Quốc hội Indonesia ntop tay nkô̆ nău ndal mpeh nău ntop kơl bah nghị viện mpeh nu nău Myanmar. Rơh rƀŭn Ủy ban kinh tế: tâm nchră 02 nkô̆ nău. Nĕ lah mpeh: N’hao rgum lăp nsum wăng sa ASEAN mbơh an ntrŭt rgâl mrô nsum ăp doanh nghiệp dŭt jêt, jêt n’hanh dah găp n’hanh rdâk hao tay wăng sa jêh Covid-19: Kan ndrel pâl nđaih tâm ASEAN. Ta rơh rƀŭn aơ, mpôl Việt Nam nchrăp dăn đă rdâk hao tay n’hanh hun hao pâl nđaih tĭng ăp nău way hun hao nâp nâl n’hanh lĕ rngôch. Mĭn njêng n’hanh hun hao ndơ pâl nđaih mhe tŏng ăp nău ŭch mhe jêh chôt srê Covid-19.

Rơh rƀŭn bah Ủy ban Xã hội rgum tâm nchră 03 nkô̆ nău. Nĕ lah mpeh n’hao kan ndrel n’hanh ntrôl dăng kỹ thuật mrô geh lĕ rngôch gay n’hŭch đêt nău khuch bah rgâl trôk nar phŭt sial mih n’hach; ndơ̆ ăp nău rƀŏng hun hao nâp nâl lĕ rngôch gay ƀư săk rnglăy ta gưl ngih dak; Nău ƀư bah công nghệ nta nơih an nuĭh ƀon lan râng săch âk lơn.

Nuĭh rblang: Y Sưng Phê Ja