VOV4.M'nông: Đah 30 năm pah kan rnă njrăng ta nkual Tây Nguyên, Đại tá Đinh Sỹ Tuệ-Kruanh jrô rnă njrăng rnoi mpôl đêt Kông ang n’gor Dak Nông, g^t hăr nău ngơi rnoi mpôl đêt, bah ne\ dơi dăch dêh, geh âk nău ro\ng bah kônh wa. Kônh wa ăp rnoi mpôl đêt ta n’gor uănh nô lah nu\ih tâm rnăk wâl n’hanh đah săk kuăl đêp rmên “Ma Ngọc” hôm kuăl lah Bap Ngoc’. Nău nchih bah Hoàng Quy nkoch mpeh Đại tá Đinh Sỹ Tuệ.

            Năm 1990 lôch nti Đại học An ninh nhân dân (A[aơ lah Học viện an ninh nhân dân) Đinh Sỹ Tuệ dơn nău kan ta Phòng mât njrăng chính trị Công an n’gor Dak Lak. Lôch nê, tă bah nău đă hăn kan, nô le\ rlău ăp ntu\k gu\ pah kan kơt: Đội an ninh Công an nkuâl Dak Song, Groi Công an nkuâl Dak Glong, n’hanh a[aơ [ư Trưởng phòng An ninh dân tộc Công an n’gor Dak Nông. Pah kan ta du ntu\k âk hvi, gung trong rsong hăn jêr jo\t, ntop tâm nê lah nô nău đăp mpăn rnă njrăng geh âk duh jêr, Đại tá Đinh Sỹ Tuệ way m^n rvê.

            “Tâm mât đăp mpăn rnă njrăng tâm rnôk a[aơ n’hanh let năp aơ tay, mhâm [ư gay mbơh kơl an gưl uỷ n’hanh n’gâng kan ta ntu\k [ư jăp pah kan rgo\ jă, mbơh kơl an gưl uỷ n’gâng kan ta ntu\k tâm nê mpôl công an [ư n’gâng tơm gay t^ng [ư jăp trong kan rnoi mpôl đê|, yor kơt nê| trong kan an rnoi mpôl đê| bah Đảng n’hanh Ngih dak n’hanh Chính phủ tât [on lan du\t âk trong nchrăp, n’hanh nău du\t khlay lah trong nchrăp kan geh ngăn ngăn đah nău mha êng bah rnoi mpôl đê| lah mô”

            Gay [ư lôch jêh ue\h nău kan, rlău ma nău kan gu\ m^n mpeh ăp nău way gu\ rêh bah nu^h [on lan [on tơm ta ntu\k, Đại tá Đinh Sỹ Tuệ hôm ju\r tât [on lan mâp, ngơi n’hanh đă kônh wa nt^m nău ngơi gay kơi ntop tâm nău blău pah kan bah he. A[aơ nô le\ djăt, g^t wât, g^t nchih n’hanh ngơi hăr nău ngơi bah âk kônh wa [on tơm ta ntu\k. Yor nău g^t wât n’hanh lah an kônh wa g^t wât n’hanh way dăch dêh mbro đah kônh wa jêng păng le\ ntu\k nsing nơm, nkra ăp nău mô tâm ban an ăp nu^h tâm ăp [on lan dăch ngai.

            Ntơm bah nău dăch dêh, djăt, uănh khlay [on lan ndrel đah trong nkra ăp nkô| nău tâm di nuih n’hâm ma păng ntơm bah bu êng kêng bri, jêng nu^h dăch dêh, bên n’hanh dơi kônh wa ta ăp [on lan kuăl đah săk ntơ m[rô “Ma Ngọc” t^ng nău kuăl bah nu^h Rđe n’hanh “Bap Ngọc” t^ng nău kuăl bah nu^h Bunong (Bơ\ mon Ngọc- ntơ săk kon bu ur dak bôk bah nô Đinh Sỹ Tuệ). Bu ranh [on K’Siêng, ta xã Đăk Ha, nkuâl Đăk Glong, nkoch:

            “Nău ro\ng bah kônh wa du\t rmên Bap Ngọc, ăp tơ\ bap Ngọc han tât ta aơ lah kônh wa du\t rhơn nđơr, kơt oh nô tâm du jay, u\ch ro\ng bap Ngọc way hăn chop khâl kônh wa gay g^t dơi nău rêh, nău geh bah kônh wa, rgo\ jă kônh wa t^ng jăp trong nchrăp gung trong bah Đảng n’hanh Ngih dak”

            Đah nău ngăch ngăr tâm nău kan, dăch dêh đah kônh wa, ntơm bah năm 2004 tât a[aơ, Đại tá Đinh Sỹ Tuệ le\ râng n’hanh mbơh kơl, rđău đă leo mpôl kan, ban saơ, lơh chrai 13 mpôl mât bôk FULRO, têk luh bơi 200 nu^h kan ru\ bah khân păng ta ăp [on lan.

            Tă bah nău dăch dêh, ngăn ngăn bah wa Đinh Sỹ Tuệ le\ bonh dơi n’hanh rđăp dơi Y K’rang, ta xã Trường Xuân mô djăt t^ng mpôl mh^k djơh nchuăt rlău n’har bri mô geh nău way, ngăch mbơh êng nău tih n’hanh dâk lah phong nău mplư rlăm djơh bah mpôl mât bôk nsu\k nsôr kônh wa [on lan. A[aơ le\ jêng du hê nu^h [on lan pah kan jan sa jăp blău, wa Y’ Krang nha nkah t^ng ntil trong hăn tih kăl e n’hanh dơi Ma Ngọc rblang đă:

            “Năm 2003 gâp le\ djăt t^ng nău bu nsu\k nsôr nchuăt rlău n’har bri gay hăn tât dak Mỹ gu\ rêh dơh geh, tăng mpôl djơh lah kơt nê gâp nkoch an 6 oh nô êng [a [a\ đo\ng, lap lah nkhêp geh ma Ngọc ban saơ ri bap Ngọc ju\r tât ta xã Trường Xuân ri đă gâp ho\ lăn hôm ri hăn tât công an nkuâl Dak Song gay mbơh kloh, lôch nê gâp hăn mbơh geh 6 oh nô gay mbơh êng nău tih”

            Tâm măt bah băl mpôl, oh nô kan nsum, Đại tá Đinh Sỹ Tuệ lah du hê kruanh rđău kan le\ nuih n’hâm, leo lor, ngăch ngăr n’hanh sôt hơr tâm nău kan, nkre lah du hê nô bôk [ong rlong sial, du hê nai nt^m lhăt jăp yơn du\t rah rơch, dêh rmên n’hanh mât chăm an nău hao têh jêng bah cán bộ tahen đo\ng. Băl kan nsum kơt nti ta nô nu^h kloh ngăn, dăch dêh rnôk s^t đah [on lan t^ng [ư “poăn ndrel” đah kônh wa n’hanh nău han săk nâp gơ\, rôih rno\ng bah nu^h tahen mât rnă njrăng rnôk t^ng [ư rdâng lơh đah ăp mpôl djơh. Thiếu tá Phạm Trọng Đại, Phòng An ninh Dân tộc, Công an n’gor Dak Nông, uănh năl:

            “Rnôk hăn pah kan ta ntu\k ndrel gu\ [on lan rnoi mpôl đê| ri păng way mât uănh jru hvi, du\t khlay lah nău g^t blău mbơh ngơi bah păng đah [on lan, păng blău du\t âk ntil nău ngơi [on lan ta ntu\k kơt Bunong, Rđe, Mạ, Mông, jêng du\t dơh tâm pah kan, mpeh trong dja ri cán bộ tahen mpôl hên ân kơt nti du\t âk”

            Tâm du njăr trong jong rdâng lơh yor ma n’gâng kan mât njrăng đăp mpăn neh dak, Đại tá Đinh Sỹ Tuệ le\ dơi Đảng, Ngih dak, Bộ Công an tâm ban kơt n’gâng kan ta ntu\k pă nkhôm âk huân chương, huy chương tâm ban kơt ăp săk ntơ têh khlay đo\ng, âk năm mbro geh săk ntơ chiến sỹ thi đua cấp cơ sở. Yơn nklăp nklâm ndơ nkhôm rnê du\t têh  lah dơi kônh wa nsing nơm kuăl moh săk m[rô dêh rmên “Ma Ngọc” mô lah “Bap Ngọc”./.

Nu^h nchih rblang: Điểu Thân