VOV4.Mnông – Jêh 28 nar săm Covid-19 ta ngih dak si Hiăn n’hanh ji klơm soh n’gor Dak Lak, ôi 8/6, 2 nuĭh ji Covid-19 mrô 3237 n’hanh 3334 lĕ dơi sĭt jêh 3 rơh uănh năl mô ntưp đah Sars Co V2.

Dak Lak 2 hê ji Covid-19 mrô 3237 n’hanh 3334 dơi sĭt

2 nuĭh ji aơ gŭ ta hẻm 189/1, trong Mai Hắc Đế, phường Tân Thành, nkual ƀon têh Buôn Ma Thuột da dê. Jêh 28 nar săm, săk soan 2 nuĭh ji lĕ đăp mpăn n’hanh 3 tơ̆ uănh năl mham dăch aơ an saơ mô ntưp đah Sars Co V2. Jêh sĭt ngih dak si, 2 nuĭh ji aơ mbra dơi uănh nđôi, njrăng săk soan ta ntŭk gŭ jêh nar săm Covid-19 tĭng di nău ntrŭnh bah N’gâng kan dak si. Kơt nĕ, kơp tât nar 8/6, n’gor Dak Lak hôm e 2 hê ji ntưp Covid-19 dôl dơi nkhah êng n’hanh săm ta Ngih dak si Hiăn n’hanh ji klơm soh.

Nuĭh rblang: Y Sưng Phê Ja