VOV4.M'nông: Tĭng rnoh nchih rgum bah Sở y tế n'gor Dak Lak, tâm lĕ rngôch rnoh 325 nuĭh ji Covid-19 sĭt bah nhih dak si tâm bah ri aơ nơh, năl geh 20 nuĭh plơ̆ ntưp tay. 20 nuĭh plơ̆ ntưp tay đah SARS –CoV -2 dơi năl geh ta nkual ƀon têh Buôn Ma Thuột n'hanh 5 nkuâl lah Buôn Đôn, Ea H’leo, Krông Bông, Cư Kuin n'hanh Ea Kar. Tâm nê, nkuâl Cư Kuin geh rnoh nuĭh plơ̆ ntưp tay dŭt âk đah 5 nuĭh. Dŭt njrăng lah, tâm rnoh dja geh 1 hê ta xã Ea Wer nkuâl Buôn Đôn dơi năl plơ̆ ntưp tay ntưp rêng an du hê nuĭh tâm rnăk nơm. Bác sĩ Châu Đương, Giám đốc Nhih dak si hiăn n'hanh klơm soh n'gor Dak Lak an gĭt, tĭng trong ntĭm nti bah Bộ Y tế, ăp nuĭh dja uănh năl tay mham ma nuĭh plơ̆ ntưp tay rnoh kaman hôm âk, geh ma nău ntưp rêng an lam nsum mpôl, mbra dơi n'glăp tâm nhih dak si gay săm tay n'hanh an gŭ êng tĭng di nău way./.

Nuĭh rblang: Điểu Thân