VOV4.M’nông -  Nar 16/11, nai dak si Trần Thuận-Kruanh Ngih dak si nkuăl Krông Búk, n’gor Dak Lak an gĭt ta nkuăl mhe kơp dơn 6 cán bộ dôl pah kan ta UBND nkuăl Krông Búk jêh test ngăch đah kaman ntưp đah SARS-CoV-2, tâm nĕ geh 5 nuĭh dôl pah kan ta Jrô kan Tài nguyên n’hanh Môi trường nkuăl Krông Búk ntưp đah Covid-19.

Ntŭk săm ji nuĭh ntưp Covid

Jêh tăng nău mbơh, Ngih dak si nkuăl Krông Búk lĕ joi, sŏk uănh năl an ăp nuĭh geh tât. Gay đăp mpăn trong kan njrăng n’gang srê, rmôt kan dơi kan lĕ nchăng n’gang du rot jay ta ntŭk kan UBND nkuăl Krông Búk geh tât ăp nuĭh ntưp đah Covid-19. Ăp nuĭh F1 dơi nkhah êng tĭnh nău ntrŭnh. Kơp tât nŭng nar 16/11, lam n’gor Dak Lak kơp dơn 6.154 nuĭh ji Covid-19, tâm nĕ geh 3.493 nuĭh lĕ dơi săm bah n’hanh lĕ sĭt.

Nŭih blang: Y Sưng Phê Ja