VOV4.Mnông- UBND nkuăl Ea H’leo, n’gor Dak Lak lĕ an rlu nău kan đah Kruanh n’hanh Groi kruanh UBND xã Ea Nam yor mô jăp tâm nău kan njrăng rdâng nuh srê. Kơp tât nar 5/9, nkuăl Ea H’leo kơp dơn geh 112 nuĭh ntưp Covid-19, êng xã Ea Nam lĕ geh kơp dơn tât 73 nuĭh, jêng ntŭk geh âk nuĭh ntưp srê ta nkuăl Ea H’leo. Tĭng nău ntrŭnh 2906 n’hanh 2908, Kruanh UBND nkuăl Ea H’leo an rlu nău kan đah kruanh UBND xã Ea Nam Nguyễn Văn Nhiệm n’hanh Groi kruanh xã Kpă Y Chức năm kan 2021-2026. Nar an rlu kan lah 15 nar gay ma uănh năl, ƀư kloh nău kan bâh nuĭh leo bôk năp tâm nău kan njrăng rdâng nuh srê Covid-19 ta xã Ea Nam. Xã Ea Nam lĕ an nuĭh ƀon lan ƀư tâp njor ran khĭt, rgum âk nuĭh, ƀư tih nău ntrŭnh 15 bâh Thủ tướng chính phủ, ƀư ntưp rêng nuh srê tâm ntŭk rêh jêng. Tâm rnôk an rlu nău kan, Kruanh UBND xã Ea Nam Nguyễn Văn Nhiệm geh dơn nău kan pă lĕ rngôch nău kan an wa Nguyễn Văn Tiến, Groi kruanh UBND xã.

Nuĭh rblang: Thị Đoắt