VOV4.M’nông – UBND n’gor Dak Lak mhe an sam ƀŭt mpeh nău ƀư ntĭm nti bah nar 4/10/2021. Tĭng nĕ, đah ăp ntŭk dơi năl “nkual đăp mpăn mô srê”, ta gưl mầm non an kon se 5 năm deh let lơ tât ngih sam ƀŭt gay nti đah âk nău nai n’hanh kon se dôl gŭ ta “nkual đăp mpăn mô srê”, ăp rnoh năm deh êng dơi rlu  nti an tât rnôk geh nău mbơh mhe.

Dak Lak: Bah nar 4/10, kon se 5 năm deh let lơ tâm nkual “đăp mpăn mô srê” dơi tât ngih sam ƀŭt

Đah ăp ntŭk “nkual geh srê đêt”, nkual hô, nkual âk srê”, gưl mầm non rlu nti an tât rnôk geh nău mbơh mhe; bah gưl tiểu học let lơ, ntĭm nti tay đah trong pơk sŏng dăng (trực tuyến, tivi, ntĭm jao bài ta ngih). N’gâng kan ntĭm nti Dak Lak ƀư tơn, tâm rgop đah N’gâng kan dak si, UBND ăp nkuăl, nkual têh, nkual ƀon têh ntĭm rđău ăp n’gâng kan ntĭm nti mât uănh tay nai, cán bộ, nuĭh kan n’hanh ntĭm me bơ̆, kon hŏk ƀư tĭng rjăp ăp trong njrăng n’gang srê Covid-19; nkre nchrăp trong an nu nău mhe chôt srê ta ntŭk kan.

Nuĭh rblang: Y Sưng Phê Ja