VOV.Mnông: Kêng măng (14/9), UBND n’gor Dak Lak lĕ an sam ƀŭt ntĭm rđău trong kan ƀư ntĭm n’hanh nti tâm nău chôt srê Covid-19 geh jêr jŏt. Tĭng nĕ, đah ntŭk dơi năl “nkual đăp mpăn”, gưl trung học cơ sở, THPT n’hanh ăp ntŭk ntĭm nti nău kan ƀư ntĭm ta jrô nti đah nău nai, kon hŏk an geh tâm nkual đăp mpăn; gưl tiêu học ntĭm n’hanh nti đah trong ƀư pơk sŏng dăng mạng internet, tivi n’hanh jao bài. Êng đah kon hŏk jrô 1, jrô 2 kơl an ƀư ntĭm ta tivi n’hanh mô ƀư uănh lah ăp khay tâm rnôk aơ, rnôk kon hŏk hăn nti tay an ƀư ôp tập lor rnôk kiểm tra bài, uănh lah ăp khay. Êng gưl mầm non rlu nti an tât rnôk geh nău mbơh mhe. N’gâng kan ntĭm nti Dak Lak lah ăp ngih sam ƀŭt, rnôk ƀư ăp trong ƀư ntĭm an mbơh n’hanh ntĭm an kon hŏk, me bơ̆ ăp nău mbơh na nê̆ mpeh n’gâng tơm, ndơ dŏng ntĭm nti; trong ƀư jao nău kan nti nsơm; nkô̆ nău bài nti; trong ƀư kiểm tra, uănh lah n’hanh nău ntrŭnh nti nsơm đah tĭng trong ƀư ntĭm nti.

Nuĭh rblang: Y Sưng