VOV4.M’nông: Ntĭm nti nau blau mpeh phần mềm ân kon se bah nau ntĭm nti ân kon se blau tur chĭng, hăn joi, uănh ndrel nkoch mbơh mpeh nau ơm yau tâm ăp nar chaò cờ bôk pơh. Aơ lah nau ma ngih săm [ŭt THCS Y Ngông Niê Kđăm tâm nkuăl Cư M’gar, n’gor Dak Lak [ư gay ma rgum nau rŏng đah nau vay ơm ân kon se nti.

            Tâm mông luh nti mô lah ăp nar dŭt pơh, ngih săm [ŭt THCS Y Ngông Niê Kđăm tâm nkuăl têh Ea Pôk, nkuăl Cư M’gar, n’gor Dak Lak lŏ tăng nteh chĭng nam. Bơi tât 2 năm ma aơ, nau nteh chĭng nam jêng nau mơng ngăn đah kon se nti. Oh H Doen Ni Adrơng, kon se nti jrâu 7A1, nŭih tâm rmôt nti nkoch, rnơm tĭng kơt nti ma mông luh nti jêng ueh lơn, oh geh âk nau ueh gay ma gĭt ndrel tâm nchră ma ăp băl. Tă bah nê lơn ma ŭch ma nau vay ơm bah rnoi nơm ndrel răk rong nkre nau ŭch jêng nai nti kon se gay ma lŏ ntĭm mbơh mpeh nau vay ơm bah rnoi rđe:

             ‘Gâp ŭch râng nau tur chĭng yor nê lah nau vay ơm bah rnoi rđe yor ri ma gâp ŭch mât nau vay ơm ndrel [ư ân ueh. Tâm rnôk râng đah ăp băl mom tâm ngih săm [ŭt, tâm jrâu ri gâp rhơn ngăn, ŭch ngăn. Ntơm năm nti jrâu 6 tât rnôk aơ gâp hŏ geh nti 2 nau, kŏ geh goh blau hôm. Gâp ŭch jêh aơ têh mra jêng nai nti kon se gay nti kon se êng blau tur chĭng, goh chĭng nam”.

            Ndâk tâm năm nti bah năp nê, rmôt chĭng nam ngih săm [ŭt THCS Y Ngông Niê Kđăm geh 12 kon se n’ăp ma bu ur ndrel bu klô nti jrâu 6, 7. Aơ lah ăp kon se geh nau ŭch ndrel geh nau blau goh chĭng nam. Ndăm mông lôch nti, ăp bu blau ntĭm mbơh ân ăp nau nteh geh ntơ kơt lah Kuăl mih, jă ngêt ndrănh, rhơn ba mhe...Jêh 3 khay geh ntĭm ntui gơih n’ơr, ăp oh hŏ blau goh ăp nau nteh nê. Oh Võ Thanh Ngân, jrâu 7a1, mbơh, râng rmôt goh chĭng mô eneg lah nau ŭch ơm ma hôm njêng ân oh nau mơng ueh tâm nau ntĭm nti:

             ‘Gâp lah rnoi yoăn yơn saơ ăp nau ueh tâm nau vay ơm bah rnoi rđe ueh ngăn yor ri ma gâp ranag kơt nti. Tâm ăp rnôk nti ri saơ ueh m’akl ngăn rnôk geh ntĭm nti nsum ma ăp băl rnoi rđe. Phung hên geh ntĭm nti ntơm jrâu tât rnôk aơ, lah nar prao, nar pơh ri hên lŏ tâm jă ngăn ngih r[ŭn rgum lŏ nti goh, hôm ăp băl êng geh âk săm [ŭt ri leo gay ma răk”.

            Ndrel đah nau mât rmôt chĭng, Ngih săm [ŭt THCS Y Ngông niê Kđăm hôm [ư ăp nau tâm rlong geh tât nau mât nau vay ơm. Kơt tâm rnôk nkah nar Nai nti Việt Nam (20/11) mhe rlau, ngih săm [ŭt hŏ [ư nau tâm rlong njêng nkra ăp ntil ndơ dŏng bah rnoi rđe ân ăp nai nti ndrel kon se. Bah nê ndơn geh 54 ntilo ndơ ơm ueh bah rnoi rđe, kơt: nah ao, sah, na, nông kro, ndơ nteh...

            Yuh Nguyễn Thị Thuý Ngọc, nai Tổng phụ trách đôị nkoch, kơp ntơm nau tă geh bah nau tâm rlong, ngih săm [ŭt geh nau mĭn nti mbơh tâm nar chaò cờ ăp pơh, rgop nsum gay kon se gĭt ndrel blau nau nkoch mpeh ndơ nơm geh nkra, joi. Đah ăp nau kan rgâl aơ, mô êng nai nti ma kon se kŏ kơt tĭng ueh. Ăp oh gĭt lơn, mbơh nkoch ntil ndơ nơm geh joi đah 2 nau ngơi rnoi Rđe-yoăn. Ndrel ma nau kan bah ngih săm [ŭt ri kon se geh râng ueh âk lơn:

             ‘ Tal bôk năp lah mpeh nau njroh mprơ mô lah ăp kon se r[ŭn rgum, [ư nar r[ŭn rgum nau vay ơm lah ăp kon se kŏ geh nchoh ah ao rnoi rđe, hăn luh bah tach nglang gay ma njroh nsum gay ăp oh geh nau ŭch. A[aơ ngih săm [ŭt geh tay ngih jong, rmôt chĭng bah ăp oh ri saơ geh nau ŭch ngăn bah ăp oh nar lơn ma ueh, ăp oh lơn ma blau ndrel ăp rnôk kŏ ôp lah ăp nai nti moh nau geh tâm rlong ri ân hên râng [ă”.

            Năm nti aơ, Ngih săm [ŭt THCS Y Ngông Niê Kđăm geh 11 jrâu đah 322 kon se nti, tâm nê 95% lah kon se rnoi rđe. Tâm ngih săm [ŭt hôm geh ndâk ngih jong-Thư viện tĭng nau nkra kơt ngih jong bah rnoi rđe, geh jêh tâm khay 8 năm e. Tâm nê mpla âk rup nkoch nau kan bah ngih săm [ŭt tă bah ăp rơh, ăp ntil ndơ mpeh nau ơm yau bah rnoi rđe ndrel ăp ntŭk ân săm [ŭt răk ăp ntil. Aơ mô êng lah ntŭk ŭch ngăn bah kon se nti, ntŭk ăp oh dơi răk ăp ndrôm săm [ŭt nơm ŭch mô lah ntĭm nti goh chĭng nam ndrel uănh ăp nau ueh ơm bah rnoi rđe.

            Nai nti kon se Hoàng Long Điện, Hiệu trưởng ngih săm [ŭt mbơh, ndrel nau ntĭm nti, ngih săm [ŭt hôm ntrŭnh âk nau kan tâm di gay kon se blau nau kan, bun dăp nau rŏng ndrel nau ryơk, mât nau ơm yau bah ăp kon se:

             ‘Dăch tât ri ngih săm [ŭt ntrŭnh ăp nau kan aơ, ngăn lah nau kan ntĭm mbơh nau blau ndrel ma nau vay ơm bah nŭih rnoi mpôl đê| tâm ntŭk, kơt nau mât ân rmôt goh chĭng nam ndrel hun hap tay ăp nau kan êng kơt râng tâm rlong,  joi gĭt, nkoch mbơh mpeh ăp ntil ndơh ơm ueh bah rnoi rđe ndrel pơk hvi lơn ăp nau kan. Ân geh nthoi tay [a [ơ, geh ăp oh lôch nti geh ăp oh mhe lăp ndrel mra lŏ geh mât nau ntĭm nti ndrel chiăr nti ân ntŭk ngih săm [ŭt aơ”.

            Nau ntĭm nti tâm nau rêh geh nsum đah nau nau mât nau vay ơm lah ntrong [ư ueh ngăn bah ngih săm [ŭt THCS Y Ngông Niê Kđăm. Ăp nau kan aơ mô êng knŭng njêng nau ntŭk ân kon se pâl, gĭt nau ơm jêh ăp mông nti ma hôm rgop nau răk, bun dăp nau ŭch rŏng nau ơm yau đah ăp rơh kon se đŏng./.

                                    Nŭih rblang: H’Thi