VOV4.M’nông - Tâm 2 nar 4 n’hanh 5/10, nkual ƀon têh Buôn Ma Thuột n’gor Dak Lak na nao kơp dơn 9 nuĭh ntưp Covid-19 mô gĭt tu tơm ntưp tâm ntŭk gŭ rêh. Tâm 9 nuĭh jêh uănh năl ngăch ntưp đah Covid-19, geh 3 nuĭh kơp dơn ta phường Tân An, hôm nuĭh ƀa ƀă geh tât nuĭh ji ta xă Hòa Thuận. Dôl lah 3 nuĭh tâm du rnăk ta thôn 4, xă Hòa Thuận, ăp nar mâp đah âk nuĭh n’hanh hăn tât âk ntŭk. Bah ăp nuĭh ji aơ, rmôt kan lĕ saơ tay 3 nuĭh F1 test ngăch saơ ntưp. Geh tât ntŭk srê ta xă Ea Kao dơi saơ nar 28/9 mhe rlău, rmôt kan dơi kan lĕ sŏk ndơ test ngăch uănh năl 3 tơ̆ an saơ nuĭh ƀon lan ta ƀon Tơng Jŭ, n’hanh saơ tay 22 nuĭh ntưp đah Covid-19.

Nŭih rblang: Y Sưng Phê Ja