VOV4.M’nông: Yan vai ho\ tât, têt năm mhe ko\ bơi tât, nau u\ch do\ng điện mpoh ang ndrel nau kơl an tâm nau tuch tăm mra n’hao âk. Gay đăp măpn nau mpoh ang đăp mpăn , Công ty Điện lực Dak Lak ho\ n’hao nau mât, n’hao ntrong kơl an ân nu\ih do\ng điện ân geh ueh ngăn.

Bơi tât du ha neh bah rnăk vâl wa Nguyễn Thị Liễu, ta Buôn Ko\ Đung B, xã Ea Nuôl, nkuăl Buôn Đôn, n’gor Dak Lak bah năp nơh knu\ng geh tăm ndơ tâm yan mih, yơn a[aơ ho\ jêng n’ir bol ma n’ăp tâm yan vai rnơm geh điện gay ma pom dak. Ntơm bah rnôk Điện lực Buuôn Đôn geh n’hao ntrong rse ndrel ntop tay trạm, rnăk wa Nguyễn Thị Liễu ho\ kuih ntu, nglăp ntrong di\ng gay ma to\ ân mir chanh rse ndrel ăp ntil tơm sa play. Rnơm geh điện gay pom dak, tâm rgop đah poh phân yor ri ma mir tơm bah rnăk wa Liễu jêng n’ir n’ăp tâm yan vai:

‘Ntơm rnôk geh điện, ri hên khoan ntu jêh ri nglăp béc to\, knu\ng nkhlih cầu dao lah to\ dơm, bah hoach n’hâm âk ngăn. Dăch tât gâp mi\n mra [ư nkra mông gay ma laih phân jêh ri nklih cầu dao păng to\ ndrel ma phân ro, bah  roh n’hâm poh tay phân. Mô kâp do\ng máy rtoh tă bah nglau hao roh ma âk rhiăng mét jêh ri têk rse tă bah ntu\k aơ tât ntu\k êng, rgănh ngăn”.

Ăp nar du\t năm, ta nkuăl [on têh Buôn Ma Thuột, n’gor Dak Lak lo\ geh âk rmôt nu\ih công nhân đah kho ao màu guh ơm bah ntu\k kan điện ho\ hao klơ n’gâng điện. Nau ueh uăng ngăn bah rmôt nkra trong sre điện geh ntu\k kuăl “Hotline” đah ndeh ncho, nkra tâm trong rse trung thế ma mô kâp koh điện, n’huch ngăn nau kol điện tâm rnôk do\ng điện bah ăp rnăk.

Mât nkra trong điện prêh tâm rnôk bri duh nar, sial dăng, yơn ăp thợ điện hôm saơ đăp mpăn đah nau kan, gay kơl an nu\ih do\ng điện rhơn vơt năm mhe đăp mpăn. Nô Đậu Thế Nhân, công nhân rmôt mât do\ng trong rse Điện lực Bắc Buôn Ma Thuột, Công ty điện lực Dak Lak, ngơi:

‘ Nau kan bah rmot mât do\ng trong rse ri di tâm rnôk duư\t năm, rmôt mât njrăng bah phung phung ntơm nau leo do\ng nkra gay ma kơl trong sre điện tâm rơh tết năm mhe ân kônh wa geh nau ueh”.

A[aơ, Công ty Điện lực Dak Lak ho\ ndrel dôl ntru\\nh nau kan pă điện ndrel jao ăp ntu\k mât do\ng điện gay ntủ\nh ân đăp mpăn, mro kơl an nu\ih năch tâm rnôk Noel ndrel tết năm mhe 2018. Ti\ng nê, tâm rnôk ntơm lơ 24/12/2017 tât lôch 1/1/2018 mra mô koh điện kơl an nau nkra điện trung, hạ áp tâm lam n’gor.

Bah năp nê, công ty ko\ rđau ăp rmôt kan geh tât [ư mêt uănh ntrong điện ndrel năn rklaih ăp nau tât ndal tâm trong điện gay rdâng nau tât. Ndrel đah nê, gay năn rklaih ăp nau tât ndal, ăp Điện lực tâm ntu\k ho\ nchrăp ăp tnil ndeh, ndơ do\ng njrăng ko\ kơt lah n’hao nau rdâng tâm rnôk aơ. Wa Tạ Minh, Groi Giám đốc Công ty Điện lực Dak Lak ân gi\t, nau pă điện tâm rơh tết năm mhe dăch tât ko\ kơt lah yan vai năm 2017-2018 mra geh đăp mpăn tât ăp nu\ih năch do\ng, ntơm nau do\ng tâm rnăk vâl tât nau tuch tăm, tăch rgâl:

“ Gay pă điện tâm rơh tết năm mhe aơ ri nkre tâm ăp nar du\t khay 12, phung hên ho\ rgum n’hao nau mât do\ng điện tâm lam ntrong điện. Tât nrôk aơ ri lam ntrong kan ho\ mra dơi ueh ân nau pă điện tâm rơh tết ân đăp mpăm. Êp nau kan n’hao ntrong điện ri nau ă nkra, do\ng, rklaih nau khuch ta Công ty ko\ kơt lah ăp Điện lực nkuăl ri phung hên ntru\nh tâm ndruh. Phung hên lah rjăp nau pă điện mra geh đăp măpn ân tât ăp nu\ih do\ng, n’ăp ma năch do\ng tâm rnăk ndrel tuch tăm, mô geh nau koh điện yor mô to\ng điện’./.

Nu\ih rblang: H’Thi.