VOV4.M’nông: Ngoai tâm ăp [on ach o ngăn bah xã Ea Nuôl, nkuăl Buôn Đôn, n’gor Dak Lak, yơn nau rêh ta [on Niêng 3 dôl rgâl ăp nar rnơm geh điện bah neh dak. Điện mô êng mpoh ang ma hôm leo tât nau hơm răm si\t đah kônh wa.

Jêh 2 khay kơp ntơm rnôk geh pă điện, nau rêh bah rnăk nô Y Chuông Niê, ta [on Niêng 3, xã Ea Nuôl, nkuăl Buôn Đôn, n’gor Dak Lak geh âk nau rgâl. Jêh lôch mông sông măng, ur sai nô ndăn uănh tivi, hôm oh kon ri gu\ nti săm [u\t. Nô Y Chuông mbơh, jêh du nar pah kan rgănh, rnơm geh điện ma nau rêh ta Ea Nuôl jêng ueh lơn. Ăp nu\ih lơn hăn tâm ôp tâm khâl, tâm mbơh ăp nau pah kan jan sa:

‘Rnăk gâp ndrel âk rnăk êng ta aơ ho\ saơ geh nau ang lơn rnơm geh điện, knu\ng ntơm bah a[aơ đê| khay dơm, trong điện mhe dăng ndrel ma ang ngăn. Oh kon tâm ngih dơi uănh tivi, djăt radio, jêh ri n’gon piăng ko\ nơih lơn, hăn ro ko\ kơt ri đo\ng”.

Hôm wa H’Bon Kbuôr (Ami\ Lâm) ta [on Niêng 3 nkoch, nau mpoh ang u\nh tât đah [on ho\ kơl an nau rêh bah rnăk vâl wa lơn ma ueh rđil bah năp nơh âk ngăn. Lah bah năp nơh, kônh wa dâk bah 4h ôi gay ma su\nh u\nh, nchrăp lor long su\nh, ri a[aơ geh điện, nau gâm n’gon lơn ma nơih, lơn ma ngăch. Ko\ rnơm ma nê, Ami\ Lâm geh ru gay ma râng nau r[u\n rgum bah rmôt bu ur [on, nau rêh lơn ma nơih ueh ngăn:

‘Kăl e nơh n’gon piăng ma sunh long, mpoh u\nh kđen, têk điện tă ngih bu ri mô to\ng ang ôh. A[aơ geh trong điện mhe rgâl tât ri saơ geh ang lơn, tâm ngih geh do\ng âk ntil ndơ kơt glah điện, glah dak ma điện, tủ n’ik ăp ntil, saơ rhơn ngăn. Nau rêh lơn ma ueh, oh kon ko\ gơih đo\ng hăn nti”

Wa Y’Thơm Kpơr (Ama Hoai) Kruanh [on Niêng 3, xã Ea Nuôl, ân gi\t, [on Niêng 3 geh ndaka ntơm năm 2009, đah 200 rnăk, tâm nê 60% lah rnoi Rđe tâm ăp rnăk ach o tă bah [on ngai tât gu\ ti\ng nau ntru\nh 134 bah Chính phủ. Bol ma ngai đah nkuăl [on têh Buôn Ma Thuột nklăp 20 km yơn mô geh điện, nau rêh mbrơi hun hao. Uch âk ir ma điện, ăp rnăk ho\ rgop êng prăk gay ma têk trong điện tă bah Thôn Hoà Thanh, xã Ea Nuôl tât do\ng. Yơn yor ngai ir, rnoh do\ng âk ma điện mô dăng, mô ang, nau rêh bah kônh wa mâp âk nau jêr ngăn.

Bôk khay 10 mhe rlau, trong điện geh si\t tât [on geh nkra mhe, nau u\ch do\ng điện rnôk nê mư to\ng. Âk rnăk ho\ janh ntuh kơl pơk hvi nau ê nkra, rvăt máy pom dak to\ ân cà phê ndrel ndơ do\ng tâm rnăk vâl kơt: Tivi, glah piăng. Kơt lah ăp ngih ko\ geh tivi, mô êng knyu\ng gay ma uănh dơm ma hôm gay ma kơt ti\ng nau kan tuch tăm, mât rong, blau âk nau kan văng sa ueh tâm ndrel bah dih n’gor leo kưt tâm rnăk vala nơm.

‘Rnơm geh điện ma [on lan hên rhơn m’ak ngăn ndrel rgâl mhe ka ngăn. Geh điện, geh uănh tivi, djăt Radio, ti\ng kơt ăp nau ueh mpeh mât chăm tơm tăm, mpa rong, hun hao văng sa, mô djăt ti\ng nau nsu\k rlăm bah phung mhik. Ntơm rnôk geh điện, âk rnăk ho\ nsôih pah kan jan sa, janh ntuh kơl tăm rlong âk ntil tơm mhe kơt cam, quýt, xoai âk ntil”.

Trong điện mhe geh têk tât [on Niêng 3 mô êng leo tât nau mpoh ang ma hôm leo tât nau rhơn, nau rnơm mhe ân kônh wa. Nê lah nau u\ch mpeh nau rgala mhe bah [on lan, mpeh nau rêh bah [on lan nar lơn sâm geh ndrel hơm răm lơn./.                                 

Nu\ih rblang: H’Thi