VOV4.Mnông- 136 nuĭh ƀon lan dôl rêh n’hanh pah kan ta n’gor Tây Ninh lĕ sĭt tât Dak Lak n’hanh geh ndơ̆ lăp gŭ rgum ta nkual gŭ nkhah êng tĭng nău ntrŭnh gay ma njrăng rdâng Covid-19. Lôch geh sĭt ta Dak Lak, lĕ rngôch 136 nuĭh geh ndơ̆ lăp gŭ ta ntŭk giáo dục quốc phòng, ngih nti Đại học Tây Nguyên n’hanh geh xét nghiệm Covid-19.

Âk oh kon se tĭng mê̆ bơ̆ sĭt ƀon tơm

Nău geh xét nghiệm bôk năp lĕ rngôch 136 nuĭh mô geh ntưp đah SARS-COV2. Gay ma der tâm ntưp ta ntŭk gŭ nsum, ăp nuĭh geh an gŭ ta ăp jrô êng êng tĭng rnoh vacxin lĕ lôch chuh. Mông nar gŭ nkhah êng ăp nuĭh mbra knơm ta nău lĕ lôch chuh mô lah mô hŏ chuh Vacxin Covid-19 n’hanh nău geh xét nghiệm mô ntưp đah SARS-COV2. Tât aƀaơ, n’gor Dak Lak ê hŏ mbơh nău vơt ƀon lan sĭt ta n’gor tĭng nău mbơh mhe bâh ăp n’gor mpeh ba dâng yor ndơ dŏng tâm ăp ntŭk gŭ nkhah êng ê hŏ đăp mpăn nău njrăng rdâng srê.

Nuĭh rblang: Thị Đoắt