VOV4.M’nông: Bah năp nau tât bah srê Covid-19 rnôk ma ăp nŭih ntưp tâm ƀon lan lơn ma hao âk, kêng măng 25/8, UBND n’gor Dak Lak ntrŭnh nau mrô 8118 mpeh nau dŏng tay nau ntrŭnh mrô 16 bah Thủ tướng Chính phủ tâm nkuăl ƀon têh Buôn Ma Thuột ndrel nkuăl Krông Búk ntơm 18h lơ 26/8/2021 ân tât rnôk geh nau mbơh mhe. Tĭng nê, UBND n’gor Dak Lak ntrŭnh nau ƀư rjăp ăp nkô̆ ân geh ƀư rjăp gay đăp mpăn nau njrăng, rdâng srê ueh ngăn.

Tâm ban nau jao ân UBND nkuăl ƀon têh Buôn Ma Thuột nchrăp dŏng tơm prăk tâm di bah tơm prăk n’gor gay ƀư nau xét nghiệm ngăch SARS-Cov2 tâm âk nŭih tâm nkuăl ƀon têh gay ndal nkhah luh F0 luh bah dih. Tâm rơh tâm nkhah aơ, nkuăl ƀon têh lŏ ƀư pă phiếu hăn chợ ân ƀon lan, nkre ƀư rjăp lơn nau kan mêt uănh gay ma n’huch oi nau ƀon lan luh trong./.

Nŭih rblang: H’Thi