VOV4.Mnông- Bâh nar 2-10 tât nar 6-10, n’gor Dak Lak lĕ dơn bơi tât 17 rbăn nuĭh ƀon lan bâh nkuăl ƀon têh Hồ Chí Minh sĭt tay ta ntŭk, tâm rnoh aơ geh âk nuĭh lĕ lôch chuh nglai 1 Vacxin njrăng Covid-19. Tâm rnoh bơi tât 17 rbăn nuĭh sĭt ta Dak Lăk bâh nkuăl ƀon têh Hồ Chí Minh n’hanh ăp n’gor mpeh ba dâng, geh 68 nuĭh F0 lĕ săm bah, 1224 nuĭh lĕ lôch chuh vacxin n’hanh bơi tât 5 rbăn nuĭh lĕ lôch chuh 1 nglai vacxin.

Đah rnoh bơi tât 5 rbăn nuĭh lĕ geh chuh 1 nglai sĭt, ƀư an nău kan pă chuh vacxin bâh n’gor lơ ma jêr mô năn nchrăp. Gay ma mât đăp mpăn lĕ rngôch ăp nuĭh lĕ lôch chuh vacxin njrăng Covid-19 1 nglai geh chuh tay nglai 2 an di nar, Dak Lak mbra kơp rnoh nglai lĕ chuh tĭng ăp ntil Vacxin, bâh nĕ mbra geh săm ƀŭt dăn đă chính phủ ntop tay rnoh vacxin tâm di.

Nuĭh rblang: Thị Đoắt