VOV4.M’nông – Nar 24/8, N’gâng kan dak si n’gor Dak Lak kơp dơn tay du hê nuĭh ji lĕ khĭt yor Covid-19. Aơ lah nuĭh tal 4 khĭt yor Covid-19 ta n’gor Dak Lak. Nuĭh aơ lah nuĭh ji Covid-19 geh mrô 161.832 (BN161.832), deh năm 1989, ta 54 trong Ama Jhao, phường Tân Lập, nkual ƀon têh Buôn Ma Thuột. BN 161.832 geh nău ji brŭt. BN161.832 dơi năl ntưp đah SARS-CoV-2 bah nar 2/8 n’hanh dơi njŭn săm ta ngih dak si rdâng săm mrô 1. Nar 3/8 nuĭh ji dơi rdêng tât Ngih dak si Hiăn n’hanh klơm soh. Tât nar 15/8, ji hô mbăn jêng BN161.832 dơi njŭn nkual săm ji Covid-19 ta Ngih dak si Đa khoa nkual Tây Nguyên. Jêh 9 nar săm dŭt n’hâm ta Ngih dak si Đa khoa nkual Tây Nguyên, tât 4h15’ nar 23/8, BN161.832 khĭt. Ngih dak si Đa khoa nkual Tây Nguyên lĕ ƀư ăp sam ƀŭt gay mkra săk nuĭh ji tĭng nău ntrŭnh.

Nuĭh rblang: Y Sưng Phê Ja