VOV4.M'nông: Tĭng Ƀan rđău đă njrăng, n'gang nuh srê COVID -19 n'gor Dak Lak, tâm nar 6/8, lam n'gor năl geh tay 17 nuĭh ntưp đah SARS-CoV-2 ta 8 nkuâl, thị xã. N'hao lĕ rngôch nuĭh ji bah n'gor hao 347 nuĭh. Đah 6 nuĭh mhe ntưp tâm nar, tât rnôk dja, nkuâl Krông Bông hŏ geh 53 nuĭh ntưp n'hanh jêng nkuâl geh rnoh nuĭh ntưp Covid-19 âk tâl 2 bah n'gor.

Cư Kuin hôm lah nkuâl geh rnoh nuĭh ntưp dŭt âk đŏng, đah 66 nuĭh ntưp. Tâm rnoh 17 nuĭh mhe ntưp dơi năl tâm nar aơ, geh 3 nuĭh lah F1 bah ăp nuĭh ji hŏ ơm năl bah năp nê nơh. 14 nuĭh hôm ƀa ƀă năl geh ntưp tâm lam ƀon lan, geh tơm nuh srê tă sĭt bah nkual ƀon têh Hồ Chí Minh n'gor Bình Dương. Ndrel nar, n'gâng kan dak si Dak Lak hŏ ndơ̆ si ƀŭt sĭt bah nhih dak si an nuĭh ji bu ur geh mbrô 51261 ta buôn Nắc, xã Ea Bông, nkuâl Krông Ana. Ndrĭ, n'gor Dak Lak hŏ geh 8 nuĭh ji COVID -19 bah ji n'hanh hŏ sĭt bah nhih dak si./.

Nuĭh rblang: Điểu Thân