VOV4.M’nông – Kơp tât 4 mông nar nđaơ (30/7), n’gor Dak Lak kơp dơn 204 nuĭh ntưp Covid-19, hao 19 nuĭh nkôp đah nar bah năp nĕ. Tĭng nău mbơh bah Ban ntĭm rđău njrăng n’gang srê Covid-19 n’gor Dak Lak, 19 nuĭh ntưp mhe  ntoh ta 7 nkuăl nkual têh. Tâm nĕ, nkual ƀon têh Buôn Ma Thuột âk ngăn đah 5 nuĭh n’hanh n’hao rnoh nuĭh ji ta nkual ƀon têh hao 40 nuĭh, dâk tal 2 lam n’gor, bah kơi nkuăl Cư Kuin đah 55 nuĭh ji.

Dak Lak: Geh tay 19 nuĭh ntưp Covid-19

Ăp nuĭh ntưp mhe dơi saơ dŭt âk geh ntŭk srê bah nkual ƀon têh HCM n’hanh n’gor Bình Dương mô lah ntưp âk gưl bah ăp ntŭk srê lĕ saơ bah năp nĕ. Kơt nĕ, dĭng lĕ nuĭh ntưp srê Covid-19 kơp dơn ta Dak Lak tât aƀaơ lah 204 nuĭh, lĕ rngôch 15 nkuăl nkual ƀon têh tâm n’gor. Tâm nĕ dôl săm 197 nuĭh, 7 nuĭh lĕ bah n’hanh mô hŏ geh nuĭh khĭt.

Nuĭh rblang: Y Sưng Phê Ja