VOV4.M'nông: Nău lư bah Ƀan rđău đă njrăng, n'gang nuh srê COVID -19 n'gor Dak Lak, tâm nar 2/8, lam n'gor năl geh tay 25 nuĭh mĭn ntưp đah SARS-CoV- 2. 18 tâm lĕ rngôch rnoh 25 nuĭh ntưp đah COVID -19 ta Dak Lak dơi năl geh tâm nar lơn âk tă bah tơm nuh srê geh tât nkual ƀon têh Hồ Chí Minh n'hanh n'gor Bình Dương. 6 nuĭh dơi năl ntưp tâm nkual an gŭ rgum êng. Aơ lah ăp nuĭh F1 bah ăp nuĭh ji hŏ ơm gĭt năl bah năp nơh ta nkuâl Buôn Đôn, thị xã Buôn Hồ n'hanh nkual ƀon têh Buôn Ma Thuột.

Ndrel nar, Dak Lak năl geh tay 1 hê nuĭh ji ta xóm 3, thôn 12, xã Ea Kmut, nkuâl Ea Kar, lah nuĭh ƀĭt ndeh rdeng ndơ bah Công ty vận tải Bưu chính viễn thông Con đường xanh. Nuĭh dja mô hŏ gĭt năl kloh bah tơm ntưp rêng n'hanh geh ndu leo tơm nuh srê ntưp rêng hăn tât âk nkual nuh srê kơt Ninh Thuận, Bình Thuận, Phan Thiết, nkual ƀon têh Hồ Chí Minh, Đà Nẵng, Gia Lai. Ndrĭ, kơp tât 5h kêng măng nar 2-8, n'gor Dak Lak hŏ năl geh 265 nuĭh ntưp đah SARS -CoV-2, tâm nê dôl geh săm 258 nuĭh, 07 nuĭh hŏ săm bah ji n'hanh mô hŏ geh nuĭh khĭt./.

Nuĭh rblang: Điểu Thân