VOV4.M’nông – Kruanh n’gâng kan dak si n’gor Dak Lak an gĭt, ntŭk aơ mhe kơp dơn tay du hê ntưp đah Covid-19 geh tât ntŭk srê nkual ƀon têh Hồ Chí Minh. Nuĭh aơ lah nô Đ.H.Đ, deh năm 1993, ta thôn Ea Duất, xă Ea Wer, nkuăl Buôn Đôn, n’gor Dak Lak. Nô Đ lah nuĭh pah kan ta công ty in bao bì Quảng Huy, ntŭk gŭ 894 Quốc Lộ 1A, phường Bình Trị Đông A, quận Bình Tân, nkual ƀon têh Hồ Chí Minh.

Test ngăch uănh năl srê Covid-19

Aƀaơ nău kan dak si Dak Lak lĕ nkhah rgum n’hanh sŏk mham đah 18 nuĭh lah F1 bah nô Đ. Aơ lah ăp nuĭh mâp nô Đ. Ta rnôk nô tât Ngih dak si mbơh săk soan an nai dak si n’hanh ƀư test ngăch. Ngih dak sai nkuăl Buôn Đôn lĕ ƀư puh rao ntŭk gŭ ta nkual mir jay nô Đ n’hanh ngih dak si xă Ea Wer.

Nuĭh rblang: Y Sưng Phê Ja