VOV4.M’nông: Nau mbơh bah Rnâng kan rđau nau njrăng rdâng srê Covid-19 n’gor Dak Lak, kêng măng 19/7, n’gor aơ geh tay 6 nŭih ntưp ma SARS-Cov2 tâm nkuăl ƀon têh Buôn Ma Thuột ndrel ăp nkuăl Ea H’Leo, Cư Kuin, Krông Pách. Nkuăl Ea H’Leo geh tay 3 nŭih, lah F1 bah Q.C.T ndrel L.T.H ndrel gŭ tâm thôn 2B, xã Ea H’Leo, nkuăl Ea H’Leo hŏ geh n’gâng kan dak si Dak Lak kơp dơn lah ntưp srê Covid-19 tâm kêng măng lah ndrel du rnăk vâl đah ur sa nô T ndrel yuh H.

Ntŭk srtê mhe saơ tâm kêng măng 19/7 geh nau ntưp tă bah Bình Dương, lah yuh H.K.A deh năm 1996 ta Thôn Thạch Lũ, xã Ea Yông, nkuăl Krông Pách. Yuh A gŭ ta chung cư An Bình, Phường An Bình, nkuăl ƀon têh Dĩ An, n’gor Bình Dương. Jêh rnôk saơ nŭih ji, n’gâng kan dak si Dak Lak hŏ tâm rgop nsum đah nkuăl joi ăp nŭih geh mâp ma yuh A tâm rnôk păng hăn ntơm Bình Dương tât Dak Lak, puh dak si nkhĭt kman tâm Ngih dak si xã Ea Yông./.

Nŭih rblang: H’Thi