VOV4.M’nông: Lơ 25/10, n’gor Dak Lak kơp dơn geh 167 nŭih đah SARS-Cov2, tâm nê nkuăl Lăk geh rnoh nŭih ntưp âk ngăn, đah 53 nŭih, nkuăl ƀon têh Buôn Ma Thuột 52 nŭih, Krông Búk 28 nŭih, Krông Ana 26 nŭih. Nkuăl ƀon têh Buôn Ma Thuột hôm âk nŭih ntưp tâm ƀon lan.

Êng tâm lơ 25/10, geh tât 42 nŭih ntưp SARS-Cov2 tâm ƀon lan. Tĭng nai dak si Trịnh Quang Trí-Giám đốc ntŭk kan nkân njrăng srê ji n’gor Dak Lak (CDC Dak Lak), ăp nŭih ji geh tât nau ntưp tă bah ăp nŭih pah kan bah nkuăl geh srê sĭt. N’gâng kan dak si dôl ma nsôih joi, test ngăch âk rbăn nŭih gay ma saơ F0 tâm ƀon lan, der nau ntưp rêng./.

Nŭih rblang: H’Thi