VOV4.M’nông – Tĭng nău mbơh bah Ntŭk uănh nđôi kop ji n’gor Dak Lak, ta nkual ƀon têh Buôn Hồ mhe kơp dơn 8 nuĭh ntưp đah Covid-19, tâm nĕ geh rkum nuĭh ji đah 7 nuĭh ji. Tâm rnoh 8 nuĭh mhe saơ geh 6 nuĭh gŭ ta 15 Âu Cơ, phường Đoàn Kết n’hanh 1 hê gŭ ta 110 Nguyễn Tất Thành, phường An Bình.

Du ntŭk nchoeng n’gang ta nkual ƀon têh Buôn Hồ geh tât rkum nuĭh ji.

Ăp nuĭh aơ ndrel geh ntŭk srê geh tât 1 hê nuĭh ji ta phường An Bình. Nuĭh ji ƀa ƀă lah ƀĭt ndeh rdêng ndơ, gŭ ta phường Thiện An, mô hŏ gĭt tu tơm ntưp. Tĭng uănh nđôi srê, tâm 8 nuĭh ji, geh du đêt nuĭh ji geh trong hăn tât ăp ntŭk âk nuĭh kơt chợ nkual ƀon têh Buôn Hồ, ngân hàng. Êng nuĭh ji ƀĭt ndeh rdêng ndơ hăn jao ndơ ta âk ntŭk ta nkual ƀon têh Buồn Hồ, hăn âk n’gor nkual ƀon têh kơt Khánh Hòa, Bình Phước, Gia Lai.

Nŭih rblang: Y Sưng Phê Ja