VOV4.M’nông: Nau mbơh tă bah N’gâng kan dak si Dak Lak, tâm 24h (kơp ntơm 4h kêng măng 21/10 tât 4h kêng măng 22/10), n’gor kơp geh 174 nŭih ntưp SARS-Cov2 tâm n’gor. Ngăn lah, tâm nkuăl têh Buôn Hồ kơp dơn geh 64 nŭih ntưp SARS-Cov2, nkuăl Cư Kuin 29 nŭih, nkuăl Krông Búk 25 nŭih, nkuăl Krông Ana 13 nŭih, nkuăl Cư Mgar 12 nŭih, nkuăl ƀon têh Buôn Ma Thuột 11 nŭih. Nau ngăn lah, tâm 174 nŭih ntưp mhe, geh 82 nŭih geh saơ tâm ƀon lan. Ăp nkuăl kơt: Nkuăl têh Buôn Hồ, nkuăl Krông Búk, nkuăl Cư Kuin, nkuăl ƀon têh Buôn Ma Thuột...mro mrăng saơ ăp ntŭk geh srê mhe tâm tâm ƀon lan. Bah năp nau tât saơ mro nŭih ntưp tâm ƀon lan, n’gâng kan ăp nkuăl dôl joi, sŏk mham xet nghiệm ân rbăn nŭih ƀon lan geh mâp nŭih ntưp gay ma uănh năl nŭih F0, der nau ntưp rêng. Nkre ntrŭnh nau kơl an gay đăp mpăn nau rêh ân ƀon lan tâm ntŭk geh nkhah, ntŭk geh nchueng rdâng./.

Nŭih rblang: H’Thi