VOV4.M’nông – Tĭng Ƀan ntĭm rđău njrăng n’gang srê Covid-19 n’gor Dak Lak, tâm nar 8/8, lam n’gor kơp dơn tay 20 nuĭh ntưp Covid-19 ta 6 nkuăl n’hanh nkual ƀon têh. Tâm rnoh 20 nuĭh ji dơi kơp dơn tâm nar 8/8, geh 14 nuĭh dơi saơ tâm ntŭk gŭ rêh, tâm nĕ geh 3 nuĭh ta nkuăl M’Đrắk mô hŏ gĭt tu tơm ntưp, dơi Ngih dak si nkuăl saơ tă bah uănh năl mham ăp rơh. Geh tât ăp nuĭh ji mhe saơ, tâm măng 7/8 Ngih dak si nkuăl M’Đrắk lĕ an nchoeng n’gang rot jay B3 (geh Khoa Hồi sức-Cấp cứu n’hanh Khoa Nội-Nhi-Nhiễm).

Khoa Nội-Nhi-Nhiễm ta Ngih dak si nkuăl M’Đrắk an nchoeng n’gang gay njrăng n’gang srê Covid-19

Lĕ rngôch cán bộ nai dak si, nuĭh ji, nuĭh rnăk wâl dơi nkhah ta ntŭk n’hanh dơi sŏk mham uănh năl ngăch Covid-19. Kơp tât 5 mông, nar 8/8, n’gor Dak Lak lĕ kơp dơn 391 nuĭh ntưp đah Covid-19, tâm nĕ dôl săm 376 nuĭh, 14 nuĭh lĕ bah ji n’hanh du hê khĭt.

Nŭih rblang: Y Sưng Phê Ja