VOV4.M’nông – Nău mbơh bah Ban ntĭm rđău njrăng n’gang srê Covid-19 n’gor Dak Lak, tâm nar 28/7, kơp dơn tay 37 nuĭh ntưp đah Covid-19, n’hao dĭng lĕ nuĭh ji ta Dak Lak hao 178 nuĭh. Tâm rnoh 37 nuĭh ntưp đah Covid-19 mhe kơp dơn geh 28 nuĭh dơi saơ tâm ăp nkaul nkhah êng, nchoeng n’gang.

Dak Lak ƀư mbơh săk soan điện tử an nuĭh ƀon lan sĭt bah ăp n’gor geh srê

Khân pơng tu tơm ntưp âk gưl bah ăp ntŭk srê lĕ dơi năl bah năp nĕ ta nkual ƀon têh Buôn Ma Thuột n’hanh nkuăl Cư Kuin, Krông Bông n’hanh Krông Năng. 9 nuĭh ƀa ƀă lah ăp nuĭh dơi kơp dơn ta ntŭk gŭ rêh geh srê geh tât nkual ƀon têh Hồ Chí Minh n’hanh n’gor Bình Dương. Kơt nĕ, kơp tât 5 mông nar 28/7 n’gor Dak Lak lĕ kơp dơn 178 nuĭh, ta 15/15 nkuăl, nkaul têh, nkual ƀon têh, tâm nĕ geh 7 nuĭh dơi săm bah n’hanh sĭt.

          Nuĭh rblang: Y Sưng Phê Ja