VOV4.M’nông – Nău mbơh bah Ban ntĭm rđău njrăng, n’gang srê Covid-19 n’gor Dak Lak, tât nŭng nar 20/7, n’gor lĕ kơp dơn tay 8 nuĭh ntưp Covid-19. Tĭng nĕ, 8 nuĭh ntưp mhe aơ geh 3 nuĭh ta nkual ƀon têh Buôn Ma Thuột, 2 hê ta nkuăl Cư Kuin, 1 hê nkuăl Ea Hleo, 1 hê Ea Súp n’hanh du hê nkaul têh Buôn Hồ.

Âk ntŭk lĕ nchăng n'gang geh tât nuĭh ji bah jay ndeh Tiến Oanh

Tâm rnoh 3 nuĭh mhe dơi saơ ta Buôn Ma Thuột, dôl njrăng lah nuĭh N.V.T gŭ ta thôn Hiệp Lợi, xă Quảng Hiệp, nkuăl Cư M’gar, lah nuĭh pah kan njŭn ndơ bah ngih tăch ndơ Viettel ta mrô 132 trong Hai Bà Trưng, nkual ƀon têh Buôn Ma Thuột. Nuĭh aơ lĕ hăn tât rhiăng ntŭk, mâp đah âk nuĭh ta ntŭk. Tât aƀaơ ngih pah kan lĕ joi geh 33 nuĭh F1 n’hanh 23 nuĭh F2 geh tât ăp nuĭh aơ n’hanh pah kan dôl joi tay.

Nuĭh rblang: Y Sưng Phê Ja