VOV4.Mnông- Tĭng rnâng kan leo kan njrăng rdâng nău tât bâh mih sial n’gor Dak Lak, nău khuch tât bâh phŭt mbrô 5 n’hanh sial Tây Nam tâm ăp nar ba năp lĕ geh ƀư dak băm ta âk ntŭk n’hanh pĭch rluh pĭt dak me ta trong hăn let xã Nam Ka-Ea Rbin nkuăl Lăk.

N’gor lĕ ntĭm đă ăp n’gâng kan, ăp ntŭk kan n’hao tay lơn ăp ntrong kan mbra tâm rdâng đah nău tât bâh mih sial, ngăn lah tâm nău nuh srê Covid-19 dôl geh ntưp âk, mât đăp mpăn nău rêh n’hanh bah ir geh khuch khat drăp ndơ bâh nuĭh ƀon lan. ăp ntŭk kan, ăp n’gâng kan uănh nđôi, kơp năl, ntop tay ăp ntrong kan njrăng rdâng mih dak buk an tâm di đah nău ngăn ta ntŭk tĭng trong 4 ta ntŭk, ngăn lah ta ăp ntŭk tơm way geh mih dak buk, mbra geh pĭch rluh neh âk. Rnâng kan leo kan njrăng rdâng nău tât bâh mih sial n’hanh vơt joi nuĭh rmanh Dak Lak an gĭt, n’gor lĕ mât ueh đăp mpăn rlău 180 mpôl kan ta ntŭk gay ma ngăch tâm rdâng đah nău tât bâh mih sial.

Nuĭh rblang: Thị Đoắt