VOV4.M’nông – Kêng măng 22/8, wa Lê Thái Dũng-Bí thư nkuăl ủy nkuăl Cư Kuin, n’gor Dak Lak uănh năl, Ban Thường vụ nkuăl ủy Cư Kuin lĕ rgop n’hanh ndơ̆ an nău ntrŭnh an rlu ƀư Bí thư Đảng ủy xă Dray Bhăng đah wa Vũ Duy Tấn. Tĭng nĕ, wa Vũ Duy Tấn lĕ hăn mkra nău kan rnăk wâl ta nkuăl Krông Ana (n’gor Dak Lak) tâm rnôk lam nkuăl Cư Kuin dôl ƀư tĭng gŭ srang tâm ƀah kon nuĭh njrăng n’gang srê Covid-19 tĭng ntĭm đă 16 bah Thủ tướng Chính phủ yơn mô mbơh gưl bah lơ, mô dăn nkuăl ủy.

Dak Lak: Manh an rlu kan Bí thư Đảng ủy xă yor luh du êng ntŭk gŭ, mô mbơh săk soan

Yor nê, Ban thường vụ Nkuăl Cư Kuin lĕ an rlu kan Bí thư Đảng ủy xă Dray Bhăng đah wa Vũ Duy Tấn, ntơm bah nar 21/8. Nău ƀĭt joet kan dơi jao an wa Mai Văn Tào, groi Bí thư rnâng kan Đảng ủy xă Dray Bhăng, mât uănh tâm rnôk wa Tấn geh an rlu an bah nar 21/8 tât rnôk Ban thường vụ nkuăl ủy kiểm điểm, ƀư kloh nău kan nsum mpôl, êng nuĭh tâm nău djôt bôk gưl ủy mô ntrong leo lor tâm trong kan njrăng n’gang srê.

Nŭih rblang: Y Sưng Phê Ja