VOV4.M’nông: Lơ 8/9 hŏ geh nar rƀŭn Kruanh n’gâng kan tâm boh Mekong-Hàn Quốc tal 11 tĭng nau trực tuyến. Rơh rƀŭn hŏ nkah 10 năm tâm boh Mekong-Hàn Quốc ndrel nkah du năm n’hao jêng nau tâm boh kan nsum. Ăp kruanh n’gâng kan rnê ăp nau tă geh tâm boh tâm âk rơh rlau aơ, ngăn lah tâm 7 nau kan kơl an, ma nau ngăn lah ăp nau kan ndâk nkuăl ƀon têh ueh, tuch tăm geh dơi ma nau rdâng rgâl mhe trôk nar, ntĭm nti dnrel nti nau kan, ndrel ntrŭnh ăp nau kan bah Ntŭk kan mĭn nsum mpeh tơm dak. Mpeh ntrong rƀŏng ƀư nau kan tâm rơh mhe, ăp Kruanh n’gâng kan tâm ban nau n’hao nau nchrăp nau kan Mekong-Hàn Quốc 2021-2025, rơh rƀŭn lah rjăp du đê̆ nkô̆ nau tâm boh ngăn tâm rơh tât tâm nê geh nau pơk trong nơih ân ăp ntrong hoch tăch rgâl, ntuh kơl ndrel âk ntil nau pă tâm nkuăl ndrel n’hao nau tâm rgop, tâm kơl an đah ASEAN ndrel ăp nau tâm boh Mekong êng./.

Nŭih rblang: H’Thi