VOV4.Mnông-N’gor Dak Lak aƀaơ geh 19 ngih máy bât dak pă điện, lĕ rnoh công suất klâp ma 825 MW, rnoh geh ăp dak bât rlău 1,3 rmen mét khối dak. Aƀaơ dôl lah ta khay mih phŭt sial, ăp ngih máy pă điện lĕ tâm rgop đah ăp mpôl kan têh lĕ nchrăp tŏng ăp ntrong kan mât đăp mpăn dak bât tâm ban kơt leo kan pah kan điện an săk rnglăy, ngăn lah tâm rnôk nuh srê Covid-19 dôl geh ntưp jêr njrăng.

Tĭng nău mbơh bâh wa Trương Công Hồng-Groi Giám đốc ntŭk kan công thương n’gor Dak Lak, bâh nău uănh năl ta năp khay mih, ăp ngih máy dak bât pă điện lĕ geh ƀư tĭng tŏng ăp n’hanh ƀư tĭng răng dăng ăp nău ntrŭnh mpeh mât uănh leo dŏng lĕ rngôch dak bât, rdâk njêng lor ăp ntrong kan tâm rdâng đah mih sial mât đăp  mpăn pah kan ueh, tâm rgop đah ăp ntŭk mât ueh ăp ntrong kan mbơk dak an đăp mpăn ta nkual ba dâng. Yor nuh srê Covid-19 jêr njrăng, ăp ngih máy an geh ƀư tĭng răng dăng ăp ntrong kan njrăng, rdâng nuh srê, mât đăp mpăn nău pah kan tăch rgâl tâm ban kơt nău kan njrăng nuh srê, nău tât bâh mih sial.

Nuĭh rblang: Thị Đoắt