VOV4.M’nông -  Ôi 30/11, n’gor Dak Lak ntơm ƀư chuh vaccine njrăng n’gang Covid-19 an kon hŏk trung học phổ thông n’hanh giaó dục thường xuyên geh nklăp 64.000 kon hŏk. Wa Nguyễn Văn Lý, Groi Kruanh ngih dak si nkual ƀon têh Buôn Ma Thuột an gĭt: rơh aơ nkual ƀon têh mbra chuh an nklăp 36.000 kon hŏk ta rnoh năm 15-17 n’hanh mbra chuh tâm 2 nar 30/11 n’hanh 1/12. Lam n’gor Dak Lak aƀaơ geh 191.058 kon hŏk gưl Trung học phổ thống, Giáo dục thường xuyên n’hanh Trung học cơ sở.

Nklăp 64.000 kon hŏk bah 15-17 năm deh dơi chuh vaccine rơh aơ

Tĭng trong nchrăp, jêh lôch chuh vaccine njrăng n’gang Covid-19 an kon hŏk Trung học phổ thông n’hanh giáo dục thường xuyên, n’gor Dak Lak mbra ƀư chuh vaccine an kon hŏk gưl Trung học cơ sở. Ntŭk Uănh nđôi kop ji n’gor Dak Lak an gĭt, gay nchrăp uĕh trong kan chuh vaccine njrăng n’gang Covid-19 đah kon hŏk, nău kan dak si lĕ pă nuĭh kan tâm di đăp mpăn ngăch n’hanh tâm di đah nu nău chôt srê ta ăp ntŭk.

Nuĭh rblang: Y Sưng Phê Ja