VOV4.M'nông: Nar 26-8, Sở Giáo dục – Đào tạo Dak Lak n'gluh an si ƀŭt njuăl mpeh nău tĭng ƀư trong nchrăp năm nti 2021- 2022. Tĭng nê, n'gâng kan ntĭm- nti n'gor mbra mô ƀư wơt kon se nti plơ̆ rgum tay nhih nti tâm nar 1-9 bơi tât. Sở Giáo dục – Đào tạo Dak Lak đă, ntơm bah nar 1-9 tât bah năp nar khai giảng năm nti mhe, kruanh ăp đơn vị lor nchrăp ăp ntil ndơ gay ƀư khai giảng n'hanh ntĭm nti; mbơh gay kon se nti n'hanh me bơ̆ gĭt nău lư mpeh trong nchrăp ntĭm nti bah nhih nti, ntĭm nti kon se trong nti pơk sŏng dăng bah ngai. Mpeh ƀư khai giảng năm nti 2021 – 2022 tâm nar 5-9-2021, si ƀŭt njuăl mbơh kloh: Leo ƀư khai giảng ma trong pơk sŏng dăng đah ăp nhih nti geh tŏng ndơ dŏng. Lôch nar khai giảng năm nti mhe, ăp đơn vị leo ƀư ntĭm nti ma trong pơk sŏng dăng mô lah ma trong êng ƀa ƀă tâm di đah nô nău tât bah nuh srê COVID-19 n'hanh nău tŏng geh ndơ bah nhih nti, n'gâng kan ta ntŭk, yơn lah mô ƀư ntĭm nti pơk sŏng dăng đah ntĭm nti mầm non./.

Nuĭh rblang: Điểu Thân