VOV4.M’nông: Kơp tât dĭng nar lơ 25/7, nau kan răk kloh, mât đăp mpăn ntŭk ntu ƀư nau kan rêh jêng ân ƀon lan ndrel nŭih ji tâm Ngih dak si ntrơn ndăn dŏng mrô 1 ndrel ntŭk nkhah rgum tâm ntŭk gŭ bah Ngih săm ƀŭt Đại học Tây Nguyên hŏ jêh. Êng ngih dak si dăn leo dŏng mrô 1 dô ma geh nkra điện, dak tâm du đê̆ ntŭk djơh. Mpeh ndơ dŏng máy máy, ngih dak si ntrơn leo dơi du máy xét nghiệm huyết học, du máy sinh hoá, du máy X-quang ndrel du đê̆ ndơ êng tă bah Ngih dak si Đa koa nkuăl ƀon têh Buôn Ma Thuột ndrel Ngih dak si Đa khoa nkuăl Tây Nguyên.

Tâm kêng măng 25- 26/7 Ngih dak si lŏ rep nkra tâm ntŭk ân nŭih nau dak si, lŏ đă N’gâng kan dak si ntrơn leo ndeh kơl an ân kơl leo, máy siêu âm đầu dò, 3 máy điện tim, dak si…rgum nŭih kan, ntĭm mbơh nau đă, nau kan, ntĭm nti tay nau njrăng rdâng mât chăm, săm ji ân nŭih ji Covid-19. Nchrăp tât lôch lơ 26/7 mra jêh ăp nau kan ndrel mra vơt nŭih ji lăp săm tâm ôi lơ 27/6./.

Nŭih rblang: H’Thi