VOV4.M’nông: Tĭng tơm nău lư bah Ƀan rđău đă njrăng, n'gang nuh srê Covid-19 n'gor Dak Lak, nuĭh mhe năl ntưp ta n'gor lah nô T.V.X (Deh năm 1976 way gŭ ta Thôn 5, xã Cư Mốt, nkuâl EaH’Leo, Dak Lak). Nô T.V.X lah nuĭh kan ta nkual chợ Bình Điền (Nkual ƀon têh Hồ Chí Minh) mhe sĭt ta n'gor. Nar 4/7 nô T.V.X king ndeh sĭt Dak Lak, du njăr trong hăn nô T.V.X geh wăn bok put mbung n'hanh mô mâp ngơi đah nuĭh êng kalơ ndeh. Ôi 5/7, lôch jŭr ndeh ta km92 QL14, nô T.V.X ncho êng ndeh honda hăn tât Trạm y tế xã Cư Mốt mbơh ngăch dăng n'hâm suan, n'hanh sĭt ta jay mir ta thôn 5, xã Cư Mốt ngai êng đah jay n'hanh mô mâp đah nuĭh êng. Tât nar 6/7 nô T.V.X geh kop duh đêt, si đah, ăl muh hŏ ôp tât nhih dak si xã n'hanh dơi mbơh hăn tât Ntŭk rgum kan dak si nkuâl Ea H’Leo but săm ji. Lôch uănh năl ngăch, geh ntưp đah SARS-CoV-2. Lôch nê, ƀư sŏk mham uănh năl ma trong RT – PCR mpơl saơ ntưp đah SARS-CoV-2.

Nuĭh rblang: Điểu Thân