VOV4.M’nông: Nău lư bah Ƀan rđău đă njrăng n'gang COVID-19 n'gor Dak Lak, nar 22-7, lam n'gor năl geh tay 10 nuĭh ntưp đah SARS-CovV-2, n'hao lĕ rngôch rnoh âk nuĭh ji ta n'gor hao tât 47 nuĭh. Tâm rnoh 10 nuĭh ntưp mhe geh 4 nuĭh ta xã Ea Bung, nkuâl Ea Súp, lah F1 bah rkŭm nău ji bah n'gor dja; 1 hê nuĭh ta nkual ƀon têh Buôn Ma Thuột, lah F1 nuĭh ji N.T.H ta jay ndeh Tiến Oanh; 3 nuĭh ta xã Ea Ktur, nkuâl Cư Kuin, lah F1 bah rkŭm nău ji dơi năl bah năp nê nơh.

Rlău ma nê, ta nkuâl Buôn Đôn năl geh du hê nuĭh ji lah T.N.B.T, deh năm: 2012, ta thôn 2, xã Cuôr Knia, nkuâl Buôn Đôn, geh tơm nuh srê plơ̆ sĭt bah n'gor Bình Dương. Ta nkuâl Krông Búk năl geh du hê nuĭh ji lor bôk năp ntưp đah SARS-CoV-2. Nuĭh ji lah V.T.P.K, deh năm 1992, buôn AĐrơng Điết, xã Cư Pơng, lah nuĭh geh tơm nuh srê plơ̆ sĭt bah n'gor Bình Dương. Ndrĭ, tât kêng măng nar 22-7, lam n'gor Dak Lak hŏ geh 11/15 nkuâl, thị xã, nkual ƀon têh năl geh nuĭh ntưp  ji đah SARS-CoV-2.

Nuĭh rblang: Điểu Thân