VOV4.M'nông: Nar 29/9, lôch rnôk năl geh 2 hê nuĭh ta xã Ea Kao, nkual ƀon têh Buôn Ma Thuột test ngăch kháng nguyên năl ntưp đah SARS-CoV-2, n'gâng kan dak si Dak Lak hŏ ngăch nchih mpă ntŭk geh nuh srê, ƀoi tĭng, sŏk mham uănh năl ăp nuĭh geh tât. Tât măng ndrel nar, năl geh tay 17 nuĭh uănh năl ngăch, kêng dŭt mpơl ntưp đah SARS-CoV-2.

Na nê̆, tâm ôi nar 29/9, wa Q.V.T n'hanh ur lah wa B.T.T ndrel gŭ ta thôn Cao Thắng, xã Ea Kao, nkual ƀon têh Buôn Ma Thuột hăn tât nhih dak si Đại học Tây Nguyên but săm ji. Ta aơ, rnôk uănh năl ngăch, lĕ 2 hê ur sai geh mpơl ntưp đah SARS-CoV-2 da dê. Tĭng trong hăn, ntơm bah nar 17/9 tât nar 29/9, wa B.T.T n'hanh wa Q.V.T hăn luh mir ta buôn Tơng Ju, hăn mâp âk nuĭh n'hanh âk ntŭk, tâm nê geh du đêt ntŭk kan dak si n'hanh quán cà phê…  an ƀư ăp trong njrăng, n'gang nuh srê, mpôl kan dơi kan hŏ mpă wêl jay gŭ n'hanh chuanh mir bah rnăk wa Q.V.T ndrel ntŭk ma 2 hê ur sai way rsong hăn tâm bah ri aơ nơh./.  

Nuĭh rblang: Điểu Thân