VOV4.M'nông: Ôi 18/10, nău lư bah Ntŭk rgum mât kân nuh srê (CDC) Dak Lak an gĭt, ta nkual ƀon têh Buôn Ma Thuột mhe năl geh du tơm nuh srê tâm lam ƀon lan ta ntŭk tăch ndơ tơm Tân Hoà (phường Tân Hoà, nkual ƀon têh Buôn Ma Thuột) đah 12 nuĭh năl geh ntưp đah SARS-CoV-2. Tĭng nê, tâm nar 17/10, nô P.M.T. (48 năm deh, gŭ ta trong Xô Viết Nghệ Tĩnh, nkual ƀon têh Buôn Ma Thuột, lah nuĭh dăp ndơ ta ntŭk tăch ndơ  tơm Tân Hoà) tât Trung tâm Y tế phường Tân Hoà ƀư uănh năl ngăch n'hanh mpơl geh ntưp đah SARS-CoV-2.

Lôch uănh năl ma trong Realtime Rt –PCR năl geh ntưp đah SARS –CoV-2.  CDC Dak Lak hŏ kan nsum đah Trung tâm Y tế phường Tân Hoà ƀư ƀoi tĭng, sŏk mham uănh năl an ăp nuĭh geh mâp dăch đah nuĭh ji. Tât 2h mông ôi 18/10, mpôl kan dak si hŏ ƀư sŏk mham, uănh năl ngăch an rlău 500 nuĭh gŭ tăch ndơ n'hanh ăp nuĭh mâp dăch đah nô T… Lôch test ngăch hŏ năl geh tay 11 nuĭh ntưp đah SARS-CoV-2, tâm nê geh 6 nuĭh lah tâm rnăk bah nuĭh ji nơm n'hanh 5 nuĭh lah ăp nuĭh gŭ tăch ndơ./.

Nuĭh rblang: Điểu Thân