VOV4.M’nông - Tă bah mô ho\ n’glăp tâm hộ khẩu, mô ho\ njêng [on- lan, ntu\k ntô ndơ do\ng mô ho\ geh du ntil ndơ, jêng nău mât chăm nti ren an kon se bah 180 rnăk [on lan rnoi mpôl đê| ta Tiểu khu 249, mpeh xã Ea Lê, nkuâl n’har bri Ea Suop, n’gor Dak Lak nha hôm âk jêr jo\t.

Bah năm 2003, âk rnăk rnoi mpôl đêt bah nkual yôk prêh mpeh Bắc hăn trơn tâm Tiểu khu 249, ta xă Ea Lê, nkuăl n’har bri Ea Soup, n’gor Dak Lak. Jêh âk năm ndâk njêng choanh gu\ rêh ndê, [ư mir ba, nău rêh bah kônh wa hôm e du\t jêr jo\t, jêng nău mât uănh nti nsơm an oh kon lơ jêr jo\t lơn.

Yơn lah, n’gâng kan n’hanh nău kan [on lan hôm e pă nai hăn nkual aơ gay nt^m ăp oh. Năm nti aơ, 2 nai Trần Thị Nguyệt n’hanh Đinh Thị Trà Giang, Ngih sam [u\t Mầm non xă Ea Lê dơi đă lăp Tiểu khu 249 gay mât uănh 2 jrô nti, đah ding le\ 45 kon se, bah 3 năm tât 6 năm. Ăp nar, ăp nai rlet rlău 30km trong yôk nor, dak diăng gay tât đah jrô nti. Nai Trần Thị Nguyệt nkoch:

 “Trôk duh ri hôm dơh oi, trôk mih ri hăn bo\k mbir. Geh nar trôk mih, 2 nai hăn ri mpê| le\, geh nar hăn trong bri mih, 2 nai chôt bah dâng jâng ntung. Lah nsum yor kon ho\k jêng tât jrô nti to\ng ăp. Kon ho\k ta aơ đêt đo\ng g^t đah nău yoăt; mô tâm ban nău ngơi jêng âk tơ\ jêr jo\t đo\ng”.

Jrô nti mầm non yor 2 nai mât uănh lah jay si n’hưp ndê, yor wa Bàn Thị Diêm-đảng viên du hê dơm ta Tiểu khu 249, an manh bah âk năm bah năp, a[aơ le\ ju\r djơh. Mhe aơ, n’gâng kan [on lan geh nău ntru\nh ntuh kơl ndâk [ư 2 jrô nti ta nkual aơ, yơn mô ho\ dơi mbơh [ư, yor dôl kâp tâm nău an neh.

 “Nău nti nsơm bah kônh wa đêt jêng mô wât. Jêng, đă du rnăk ne\ an neh ri mô geh đo\ng, yor neh ntu kônh wa rwa\t le\ hôm. Hôm nău ngih sam [u\t manh ndê bah năp đaơ ri rnok gâp lăp an manh; [ư sam [u\t đah Uỷ ban xă lah an manh mô năm khay. Rnôk ngih dak ndâk [ư đăp mpăn ri rnăk wâl gay mư do\ng tay neh ne\”.

Tiểu khu 249 lah nkual bri yôk, bah năp đaơ jao an Công ty TNHH MTV Cư M’Lanh mât uănh. Yor nu\ih [on lan lăp gu\ rêh mô tâm di, jêng n’gâng kan n’hanh nău kan [on lan mô ho\ dơi mkra nău sam [u\t rnăk wâl, mô ho\ ndâk njêng thôn, [on gay mât uănh, n’hanh ntung trong ngih wâl mô ho\ dơi ntuh kơl ndâk [ư. Nô Ban Văn Sỉnh lah nu\ih ngăch prăl, du\t n’hâm n’hanh dơi nsing nơm, u\ch êng kơl UBND xă Ea Lê mât uănh nu nău tâm nkual.

 “Tâm aơ geh nklăp 70% lah mô g^t rplay sam [u\t. Lor rnôk lăp ta aơ, gu\ i br^ nkual jru ngai mô geh ngih sam [u\t. Rêh tâm aơ mô geh n’gâng kan [^t joet gay mât uănh kơt ăp thôn êng. He nkoch trêng đo\ng an kônh wa rêh t^ng pháp luật ngih dak, mô [ư tih đah nău ntru\nh. Nkoch trêng ri he lah đah nău ngoi rnoi mpôl đêt. Nău aơ gâp [ư êng mô geh nău ntop kơl, mô geh an du ntil ndơ”.

Bah đêt rnăk bôk năp, tât a[aơ ta Tiểu khu 249, ta xă Ea Lê, nkuăl n’har bri Ea Soup, n’gor Dak Lak le\ geh nklăp 180 rnăk, đah bơi 1.000 nu\ih, le\ rngôch lah nu\ih H’Mông n’hanh nu\ih Dao. Tâm rnôk rdâk [ư [on lan gu\ gưl bah dâng ta aơ mô ho\ dơi ndâk njêng, ntung trong mô dơi ntuh kơl, ri nău rêh nu\ih [on lan ta aơ mô dơi geh un hao, n’hanh nău nti nsơm bah oh kon mbra mâp âk jêr jo\t tay./.

Nu\ih nchih rblang: Y Sưng Phê Ja