VOV4.M’nông: Nchueng n’gang 4 thôn, ƀư ân ueh nau mêt uănh lam ƀon lan gay năl F0, F1, n’hao ngăch nau chuh njrăng đah ăp rmôt mra ntưp, nkuăl ƀon têh Buôn Ma Thuột, n’gor Dak Lak dôl ma ngăch nkân njrăng lơi srê Covid-19 mhe geh tâm xã Ea Kao. Jêh rnok saơ 2 nŭih ntưp srê Covid-19 tâm ƀon lan tâm xã Ea Kao lơ 29/9,.

  Ntŭk kan dak si nkuăl ƀon têh Buôn Ma Thuột, n’gor Dak Lak ngăch joi, nchueng rdâng tâm ăp ƀon Cư Bông, Tơng Jú, Cư Lim ndrel thôn Cao thắng, rgum rmôt kan xét nghiệm gay ma ngăch leo ăp F0 luh săm, nkhah đah êng F1. Kơp tât ôi lơ 1/10, tâm Ea Kao hŏ ƀư xét nghiệm đah 3.500 nŭih ƀon lan, năl 18 nŭih geh ntưp srê Covid-19. Tâm măng 30/9, tâm ƀon Tơng Jú geh tay 30 nŭih test ngăch geh năl ntưp. Rnôk aơ ăp ntil ndơ geh sŏk hŏ leo xét nghiệm RT-PCR./.

Nŭih rblang: H’Thi