VOV4.M’nông – Ta năp nu nău jêr jŏt bah srê Covid-19 rnôk na nao kơp dơn nuĭh ntưp hao âk tâm âk nar bah năp, UBND n’gor Dak Lak lĕ ntrŭnh an ndâk njêng ngih dak si rdâng săm mrô 2 gay săm nuĭh ji Covid-19. Ngih dak si rdâng săm mrô 2 mpeh tâm Ngih dak si nkuăl Cư Kuin ƀĭt joet, têh 1.500 nsưng ji, sŏk dŏng Ngih sam ƀŭt Chính trị n’gor Dak Lak ta mrô 1 Nguyễn Lương Bằng, nkual ƀon têh Buôn Ma Thuột.

Ngih sam ƀŭt Chính trị n’gor Dak Lak dơi mpla dŏng ƀư ngih dak si rdâng săm.

Ta aơ mbra săm, mât uănh, nkhah êng nuĭh ji gehjêh mĭn lah ntưp đah Covid-19 geh nău ntưp đêt; sŏk dŏng, săm an nuĭh ji rnoh đêt n’hanh geh nău ji ơm đăp mpăn; mkra săm ngăch ăp nău ji mhe ntoh tâm rnôk sŏk dŏng, săm nuĭh ji n’hanh jêh ƀư nău njŭn ngih dak si êng tĭng nău ntrŭnh. Ngih dak si rdâng săm mrô 2 mbra ntơm dŏng bah bôk khay 11/2021.

Nuĭh rblang: Y Sưng Phê Ja