VOV4.M’nông – Nar 16/8, Ngih dak si Đa khoa nkual Tây Nguyên (n’gor Dak Lak) jêh rgâl nău kan n’hanh ndơ̆ khoa Truyền nhiễm bah ngih dak si jêng dăp n’glĕ dŭt tâm rnôk sŏk dŏng, săm nuĭh ji Covid-19. Nău ndơ̆ nkual săm aơ tâm nău kan, mbra kơl Dak Lak rdâng uĕh lơn đah srê Covid-19 dôl jêr jŏt, kơl ăp n’gor kiău ma mkra ăp nuĭh ji mbăn lah geh.

Dak Lak ndơ̆ an dŏng nkual săm nuĭh ji ntưp Covid-19 mbăn

Tĭng nĕ, Ngih dak si Đa khoa nkual Tây Nguyên mpla nsơ Khoa Truyền nhiễm n’hanh Khoa Dinh dưỡng gay ƀư nkual săm an nuĭh ji Covid-19 mbăn tâm nkual Tây Nguyên. Nkual săm nuĭh ji Covid-19 mbra dơi wơt ndơ̆ tâm nkual săm đah trong hăn êng, geh trong mpôn đăp mpăn an lam ngih dak si. Aƀaơ ngih dak si lĕ năp tŏng ăp ndoh ndơ, măy mŏk an 20 nsưng ji dŭt mbăn geh măy nsôr, măy trih mham, ăp ndơ uănh nđôi nu nău nuĭh ji.

Nŭih rblang: Y Sưng Phê Ja