VOV4.M’nông – Bôl năm nti 2021-2022 lĕ rlău bơi n’gul kỳ 1, yơn tât aƀaơ, hôm e âk kon hŏk bah Dak Lak khan ta ăp ntŭk êng mô dơi plơ̆ sĭt hăn nti n’hanh mô đêt kon hŏk ta ăp n’gor êng hôm e manh nti ta Dak Lak. Gay đăp mpăn nău dơi geh nti nsơm bah kon hŏk, nău kan Ntim nti Dak Lak dôl nta ăp ndơ uĕh ngăn gay ăp oh mô geh tăch proăch tâm rnôk nti nsơm bôl ta ăp ntŭk.

Dak Lak nta an uĕh ngăn an kon hŏk “khan” yor srê Covid-19

Tĭng n’gâng kan ntim nti Dak Lak, jêh 1 khay kơp bah rnôk kon hŏk lam n’gor na nê̆ ntơm lăp năm nti mhe, tât aƀaơ, hôm e geh 1.270 kon hŏk ăp gưl bah Dak Lak mô dơi plơ̆ sĭt nti n’hanh rlău 660 kon hŏk ăp ntŭk dôl tĭng manh nti ta ăp ngih sam ƀŭt ta Dak Lak. Đah ăp nuĭh aơ N’gâng kan ntĭm rđău ăp ngih sam ƀŭt nchrăp wơt dơn, dăp jrô nti tâm di an kon hŏk, nta nơih gay ăp oh râng nti bôl nti trực tuyến mô lah ta jrô nti.

Nŭih rblang: Y Sưng Phê Ja