VOV4.M’nông – Nar 11/8, n’gor Dak Lak kơp dơn tay 18 nuĭh ntưp Covid-19 n’hao dĭng lĕ nuĭh ntưp ta n’gor 464 nuĭh. Tâm dĭng lĕ 18 nuĭh ntưp Covid-19 mhe kơp dơn ta Dak Lak, nkuăl Krông Bông geh âk ngăn 7 nuĭh, jêh nĕ lah nkuăl Krông Păč 5 nuĭh.

Dak Lak: Ntop tay 18 nuĭh ntưp Covdi-19

Lĕ rngôch ăp nuĭh ntưp mhe ntưp âk trong ăp nuĭh ji lĕ dơi saơ bah năp nĕ. Chôt srê Covid-19 ta Dak Lak dôl geh trong hao ngăch ta ăp xă nkual jru ngai, ntŭk pah kan njrăng n’gang srê hôm e geh thơ, gŭ srang tâm ƀah kon nuĭh mô rjăp, ăp nuĭh hăn sĭt bah nkual srê ƀư tĭng nkhah êng mô đăp mpăn tĭng nău ntrŭnh. Tâm nar 11/8, geh 24 nuĭh ji Covid-19 ta Dak Lak dơi saơ, n’hao dĭng lĕ nuĭh bah ji n’hanh lĕ sĭt ta ƀon lan hao 54 nuĭh. Kơt nĕ, n’gor Dak Lak tât aƀaơ hôm e 409 nuĭh dôl săm, tâm dĭng lĕ 464 nuĭh ntưp Covid-19.

Nuĭh rblang: Y Sưng Phê Ja