VOV4.M’nông: N’gor Dak Lak lơ 24/11 hŏ ndơn geh 64.250 dĭng vắc xin Comirnaty bah Pfizer-BioNTech yor N’gâng kan dak si ntrŭnh chuh ân kon se ntơm 12 tât 17 năm. N’gor mra trŭnh chuh vắc xin aơ tâm khay 11 aơ. Nsing tâm rnoh vắc xin geh pă, Dak Lak mra ƀư nau chuh klôn ân kon se tĭng năm ntơm bah têh jur dêh. Ndri ma, đah rlau 64 rbăn dĭng vắc xin geh pă rơh aơ, n’gor mra chuh ân ăp kon se THPT.

Ntŭk chuh lah tâm ăp ngih săm ƀŭt bah bah kon se nti, nau pă chuh geh đăp mpăn nau tâm ƀah 5K mpeh nau njrăng rdâng srê Covid-19. Rnôk aơ, n’gâng kan dak si Dak Lak hŏ ntĭm nti ân ăp nŭih kan bah ăp ngih dak si tâm dâng mpeh nau chuh ân kon se tĭng di nau ntrŭnh bah N’gâng kan dak si./.

Nŭih rblang: H’Thi