VOV4.M’nông: Jêh 2 pơh nsrŭng nau ndơn săm ƀŭt sŏng, nau kan ntơm 30-50% rnoh nŭih gay ma ƀư nau nkhah srang tĭng nau ntrŭnh mrô 16 bah Thủ tướng Chính phủ, ntŭk ƀư nau kan hành chính công Dak Lak hŏ plŏ pah kan nâm ơm đah 100% rnoh nŭih ƀư nau kan kơl an ƀon lan tâm rnôk ƀư tĭng ngăn ăp nau kan nkre rklaih nau kan hành chính ân du trong ueh ngăch ngăn, nkre ƀư pă rnoh nŭih tât pah kan ăp nar, n’huch ngăn nau ntưp rêng bah srê ji. Yor nŭih tât rklaih hồ sơ bah nŭih ƀon lan hao âk, ăp ntŭk ƀư nau kan bah ntŭk aơ hŏ rgum 100% rnoh nŭih gay ma ndơn, rklaih ngăch hồ sơ ƀư nau kan gay đăp mpăn 2 nkô̆ nau: Rklaih ngăch ăp nau kan hành chính, nsôih njrăng rdâng srê ji, nsôih mât ndrel ma n’hao ngăch rnoh nau rklaih săm ƀŭt hành chính tâm di ndrel bah năp nar ƀư rlau 99,9%./.

Nŭih rblang: H’Thi