VOV4.M’nông – Săk ho\ ranh, hôm khan tâm săk he âk khap rmanh tă bah tâm lơh tâm su kăl e an tay yơn wa Phạm Quyết Thắng ta nkual [on têh Buôn Ma Thuột, n’gor Dak Lak nha gơih nđơr râng pah kan xã hội ta ntu\k đo\ng. Lah kruanh Hội nu^h ji khêh dak si dioxin nkual [on têh Buôn Ma Thuột, păng way uănh khlay jru hvi dăch dêh nău rêh bah hội viên n’hanh ngăch rgo\ jă, ntop kơl ăp hội viên du\t jêr jo\t.

Bôl le\ 70 năm, lo\ lah tahen sôt rmanh n’hanh ntưp khih dak si dioxin tâm lơh mprơh Mỹ, yơn wa Phạm Quyết Thắng, ta phường Khánh Xuân, nkual [on têh Buôn Ma Thuột, n’gor Dak Lak hôm e du\t n’hâm râng trong kan nău rêh jêng. Năm 1996, rnôk phường Khánh Xuân mhe ndâk njêng, wa dơi săch tâm Ban Chấp hành Đảng bộ phường âk năm, lah Groi kruanh tơm Uỷ ban kiểm tra Đảng uỷ phường, Kruanh ban Thương binh xã hội âk năm n’hanh râng Thường vụ Rmôt tahen ơm. Tât du\t năm 2013, jêh rnôk rlu trong kan ta phường Khánh Xuân, wa Thắng lo\ dơi săch [ư Kruanh Rmôt khih dak si dioxin nkual [on têh Buôn Ma Thuột. Ta ăp nău kan, wa Thắng [ư jêh ăp nău kan. Ăp nar, rlău ma mông pah kan ta ngih pah kan, wa an mông nar tât ăp nu\ih tâm rmôt gay m^n uănh nău rêh, g^t nău u\ch nău ro\ng, ơm nkoch tât gưl bah lơ gay ntop kơl ntru\t nsôr, ngăn lah đah ăp nu\ih du\t jêr jo\t. Wa Phạm Quyết Thăng nkoch:

Gâp lah tahen sôt rmanh, lah khih dak si jêng gâp wât nău rngot bah ăp nu\ih sôt rmanh n’hanh khih dak si hoá học. Lơn lah gâp lap lơn yor n’hâm soan n’hanh khih dak si hoá học êng lơn đah ăp nu\ih êng. Gâp tâm rgop đah ăp phường xă gay g^t ăp nu\ih geh nău rêh jêr jo\t n’hanh ăp nu\ih, tă bah ne\ gay gâp g^t nu nău nu\ih tâm rmôt ngăch, t^ng nuih n’hâm he ntru\t nsôr mpeh nuih n’hâm n’hanh drăp ndơ, tă bah rgo\ jă gay kơl, ntru\t nsôr du đêt an nu\ih du\t jêr jo\t.

Knơm nău dăch dêh bah wa Thắng tâm rnôk pah kan, âk nu\ih lah khih dak si ta ntu\k le\ dơi g^t ăp ndơ ntop kơl ơm. Kơt wa Phạm Thị Minh Luận, ta khối 7, phường Tự An, nkual [on têh Buôn Ma Thuột. Rnăk wa Luận jêr jo\t, ur sai n’hanh nu\ih kon bu klô dak bôk bah wa geh ntưp dak si dioxin. Rlău 30 năm yơn nu\ih kon bah wa knu\ng tâm ban kon se jêt, jâng ty koet, knu\ng gu\ du ntu\k, ăp nău gu\ âm knơm tâm nu\ih bên kơl. Mhe aơ, Rmôt khih dak si dioxin nkual [on têh Buôn Ma Thuột le\ ntop kơl wa Luận 10 rkeh prăk gay nkra tay jay gu\. Wa Phạm Thị Minh Luận nkoch:

Bah năp đaơ jay ri truh sat, chăt mpet, jay mô dơi gu\. Knơm geh nău du\t n’hâm kơl bah wa Thắng n’hanh mpeh rmôt khih dak si dioxin bah n’gor tay, tât ntru\t nsôr, rnăk wâl. Mhe aơ gâp geh nkra tay jay ri rmôt khih dak si dioxin geh an 10 rkeh prăk gay ntop kơl nkra jay. Lah nsum ri ngih jay le\ kloh ueh hôm.

Rnôk bah năp, đah nău [ư kruanh Rmôt khih dak si dioxin nkual [on têh Buôn Ma Thuột, wa Phạm Quyết Thăng le\ tâm ôp tâm kruanh n’gor [ư sam [u\t dơn so\k nău kơl an bơi 100 nu\ih dơi kơl, tahen sôt rmanh n’hanh nu\ih hăn tâm lơh tâm su geh ntưp dak si dioxin; ntop kơl [ư âk jay kơl an nu\ih dơi kơl geh soan. Tâm 2 năm bah năp, tơm prăk ntop kơl khih dak si dioxin nkual [on têh le\ rgo\ jă geh 700 rkeh prăk, ntop kơl an ăp nu\ih jêr jo\t, chop khâl n’hanh an ndơ nu\ih tâm rmôt ăp rơh lễ, tết. Knơm ne\, wa dơi ăp nu\ih ro\ng, gưl bah lơ nsing nơm. Wa Ngô Song Hào, Kruanh Rmôt khih dak si dioxin n’gor Dak Lak uănh lah:

Wa mât ue\h nău kan [ư tâm ôp tâm nchră an gưl uỷ đảng, n’gâng kan [on lan mpeh le\ rngôch ăp ntil bah trong kan rmôt, lah ntrong leo ntoh lư, mât ueh nău kan tâm ôp tâm nchră, rdâk [ư t^ng, dăn đă tâm rgop đah ăp ngih pah kan nău kan [ư ue\h nău kan bah Rmôt, ns^t tay nău dơi ngăn ngên an nu\ih khih dak si n’hanh le\ rngôch ăp nu\ih khih dơi nsing nơm da dê, geh ntu\k nsing nâp tâm ăp gưl rmôt.

Nău du\t n’hâm, gơih nđơr tâm trong kan rêh jêng kon nu\ih bah tahen sôt rmanh Phạm Quyết Thắng le\ dơi ăp gưl djôt dơn, rnê nkhôm. Wa le\ dơi so\k Bằng khen bah N’gâng kan Lao động-Thương binh n’hanh Xã hội ta r[u\n nchră rnê rhơn Nu\ih geh soan ntoh lư lam dak năm 2010 n’hanh bằng khen bah UBND nkual [on têh Buôn Ma Thuột mpeh lôch ue\h têh nău kan pah kan năm 2016./.

Nu\ih nchih rblang: Y Sưng Phê Ja