VOV4.M'nông: Lôch 28 nar gŭ săm nuh srê COVID -19 ta Nhih dak si hiăn n'hanh klơm soh n'gor Dak Lak, nar 24/9, nuĭh ji Y.N.N (91 năm deh, gŭ ta buôn Đrao, xã Cư Né, nkuâl Krông Búk, n'gor Dak Lak) hŏ sĭt bah nhih dak si. Nuĭh ntưp ơm geh nău ji tâm săk hao duh mham n'hanh nău ji lhăt klơm soh jŏ ơm.

Rnôk săm, nuĭh ji Y.N.N ân bĭch n'hôr oxy jŏ nar. Nuĭh ji Y.N.N lah nuĭh dŭt âk năm deh dơi năl geh ntưp ji tât rnôk dja bah n'gor Dak Lak hŏ săm bah COVID-19. Aơ lah nău rhơn mô dơn bah nuĭh ji, rnăk wâl nuĭh ji ma hôm lah nău nchih nkah nău nsrôih dŭt têh bah n'gâng kan dak si Dak Lak tâm nău kan njrăng, n'gang n'hanh mât chăm, săm nuĭh ji COVID-19. Kơp tât 4h kêng măng nar 24/9, n'gor Dak Lak hŏ năl geh 1745 nuĭh ji COVID -19, tâm nê geh 1.183 nuĭh ji dơi săm bah./.

Nuĭh rblang: Điểu Thân