VOV4.M’nông: Kêng măng 26/5, wa Nay Phi La, Giám đốc n’gâng kan dak si n’gor Dak Lak mbơh, nŭih ntưp srê Covid-19 mrô 3836 dôl săm tâm Ngih dak si Hiăn ndrel klơm soh hŏ geh nau dơi ueh. Ăp mrô, ăp rnoh đăp mpăn, nŭih ji kŏ nsrŭng nau trih mham, n’huch ngêt dak si hăk bĭch. Lơ 27/5, nŭih ji aơ mô hôm sŏ n’hâm đah máy kơl ndrel nchrăp tâm 2 nar dơi sŏ n’hâm êng. Nŭih ji srê Covid-19 mrô 3836 geh N’gâng kan dak si lah rjăp tâm lơ 15/5/2021.

Jêh 8 nar săm tâm Ngih dak si Hiăn ndrel Klơm soh n’gor Dak Lak, păng geh ji jâk, geh kol trong sŏ n’hâm, ƀư krâl mham. Nŭih ji aơ hŏ sŏ n’hâm đah máy, dŏng âk dak si kháng sinh. Bah năp nau tât bah nau ji, n’gâng kan dak si Dak Lak rgum leo ndơ dŏng ndrel 3 rmôt nai dak si tă bah Ngih dak si Đa khoa nkuăl Tây Nguyên tât Ngih dak si Hiăn ndrel Klơm soh gay ma săm ngăn./.

Nŭih rblang: H’Thi